Gerija Katolik ba Palestin

Gerija Katolik ba Palestin nya bagi ari Gerija Katolik serata dunya, baruh iring spiritual Paus di Rom.

Bisi urung 80,000 iku orang Katolik Palestin (nyengkaum di Jerusalem) mayuh di entara Ramallah enggau Betlehem, nyengkaum kandang menua Jerusalem ba Tebing Barat. Pengikut tebal agi ari Gerija Latin,^{[sitasyen patut disediaka]} tang bisi mega komuniti mit Patriarkat Katolik Melkit Antik enggau Jerusalem, ti di baruh Gerija Katolik Melkit, pia mega Gerija Maron. Ketetiga sida tu dalam komuni penuh enggau Panggah Tuchi nyadi sebagi ari Gerija Katolik di serata dunya.

Bisi dua bishop besai di Jerusalem, siti ungkup tiap bidang kuasa. Bidang kuasa Patriarkat Latin Jerusalem di Jerusalem enggau kandang menua Palestin nyengkaum 17 bengkah parish, dua bengkah ari nya di Jerusalem.^[1] The current Latin Patriarch of Jerusalem is Pierbattista Pizzaballa.

Bidang kuasa Katolik Gerika Melkit bidang kuasa nyengkaum 8 buah parish (siti di Jerusalem).^[2] Bishop Melkit kemaya tu iya nya Yasser Ayyash.

Sejarah

Kristian Keterubah

Menua Palestin ngembuan sejarah ti lama enggau pengarap Kristian ti berengkah ari 2,000 taun ke udah. Jesus diau sereta nginjil ba Judea enggau Galili, Tebing Barat enggau Israel kemaya hari tu. Pengudah Pengeregang Jesus, Jerusalem nyadi palan endur orang keterubah pengarap Kristian. Taja pan baka nya, pengawa bedawaka orang Kristian ba Empayar Rome semina majak balat, nyentukka Edik Milan, ti meri pengelepas ba pengarap. Lebuh maya Empayar Bizantium nyadi, Palestin udah nyadi palan Kristian ti ngerembai, enggau beribu iku orang ke datai ziarah ninting taun lalu mayuh gerija enggau biara digaga maya nya.

Penaluk Islam enggau Maya Soldadu Regang

Pengudah mayuh bengkah perang entara Empayar Byzantine enggau Empayar Sasanian, pelilih menua Timur Tengah udah ditinggalka lemi lalu nya mantaika peluang ke sempurna ngagai Khalifah Rashidun nyerang. Dalam taun 638 AD, bala soldadu Islam pengujung iya ngalahka Jerusalem. Raban orang Kristian diberi status Dhimmi, ti mai reti teori sida deka dijaga sereta dipebasa, tang enda ngembuan hak ti sama enggau orang Islam.

Dalam 1054, lebuh penyerekang, Patriakat Jerusalem sejalai enggau Konstantinopel, milih pengarap Ortodoks ari pengarap Katolik.

Dalam 1099, bala soldadu regang Perang Regang Keterubah mujur ngerampas Jerusalem enggau Tanah Kudus lalu ngenaka perintah Latin. Bala paderi Roman Katolik nganti paderi Ortodoks, lalu tu nulung pengarap Katolik dipulaika baru ba pelilih menua nya. Dalam taun 1187, Saladin ngambi pulai Jerusalem, tang nerima orang Kristian ba Menua Kudus.

Perintah Mamluk enggau Ottoman

Dalam taun 1291, menua Palestin dipegai Kesultanan Mamluk. Sida mulaika kuasa Islam lalu ngemunaska pengaruh Katolik enggau chara muru orang Latin.^[3]

Pengudah taun 1517, Empayar Ottoman ngalahka semua Kesultanan Mamluk, ti nyengkaum menua Palestin dalam kandang menua iya. Ottoman ngemendarka orang Kristian ngasaika mayuh agi pengelepas ari khilafah ke dulu suba. Kelimpah ari nya, kuasa luar nyingkang nyadi penyaga orang Kristian dalam empayar nya, enggau populasyen Palestin, Siria enggau Levant ditetapka deka dijaga Perancis. Tu meri orang Kristian Palestin hak spesyel dijaga sereta akses ngagai sekula indu misi, ti ngasuh sida ulih ngaul diri dalam pengawa dagang enggau orang dagang Eropah. Kelimpah ari nya, orang dagang Kristian ngembuan tikas duti ti baruh agi ti patut dibayar ari bala bakih sida ti bepengarap Islam, lalu enggau nya sida nempa diri nyadi bank enggau orang ti meri duit injau ngagai orang ti bempu tanah, tukang enggau orang bumai ti bepengarap Islam. Kelas tengah ti majak nambah tu ngasilka sekeda orang ti ngempu enggau editor surat berita lalu bejalaika tanggungpengawa nyadi ketuai dalam pengidup politik Palestin.^[4]

Patriarkat Latin Jerusalem udah nya ditumbuhka baru Pope Pius IX ba taun 1847, pengudah 660 taun pengudah pengelabuh ngagai Saladin. Pengawa numbuhka baru tu nyadika maya ti besai reti dalam sejarah Gerija Latin di Jerusalem, mulaika penuduk Patriarkat Latin pengudah beratus taun perintah Islam.^[5]

Jeman Moden

Ba taun 1920, Mandat Palestin diengkah enggau pengawa dikena ngena Deklarasyen Balfour lalu ngaga Palestin nyadi "menua asal" orang Judah. Kededua raban Katolik enggau Kristian enggau kesemua sida, begulai enggau raban Islam bediri beserakup ngelaban penemu Zionisme ba pelilih menua nya lalu numbuhka Gerempung Islam-Kristian.

Pengudah Perang Dunya Kedua, enggau penyarut entara orang Judah enggau orang Arab datai ba tikas putus, Gerempung Bansa-Bansa Beserakup merambu pelin pemagi Palestin ngambika nyengkaum menua kediri Israel enggau Palestin.

Ba taun-taun ke udah, penyampau orang Katolik (enggau orang Kristian ke lebih luas) di Palestin nurun. Penyadi Nakba ninggalka orang Arab Kristian charut. Di Iqrit enggau Bir'im, IDF ngasuh orang Kristian mindah "enda lama", perintah ti udah nya disahka nyadi pengawa muru belama. Ba Galili, mayuh agi pengelepas dikena ngagai orang Kristian ke alai pengawa muru tebal agi nuntung orang Islam: di Tarshiha, Mi'elya, Dayr al-Qassi, enggau Salaban, Orang Kristian dikemendarka diau seraya orang Islam dibuai. Dalam ensiklik iya taun 1949 Redemptoris nostri cruciatus (dipansutka terus pengudah Perang 1948), Paus Pius XII minta pengawa nyaga enggau ngintu ti besai agi ngambika dituju ngagai orang Palestin enggau palan kudus Kristian di Israel/Palestin.^[6]

Pengudah perang, penyampau tubuh orang Kristian ba Tebing Barat, ke dikuasa Jordan, nurun mimit, ke mayuh ketegal penanggul ekonomi. Tu bebida enggau proses ke nyadi di Israel ke alai orang Kristian pansut bebala mayuh pengudah taun 1948. Pengawa tu jampat agi nyadi pengudah perang taun 1967 sepengudah Israel ngambi alih Tebing Barat enggau Gaza.^[7]

Paus Francis bisi kaul ti konsisten enggau Gerija Sebilik Kudus (semina Gerija Roman Katolik di Gaza) sepemanjai iya nyadi paus sekumbang Israel ti majak nyerang sereta nguasa Gaza.^[8]

Kereban sanding

↑ "en.lpj.org". Archived from the original on 2020-04-23. Retrieved 2014-07-25.
↑ https://www.melkitepat.org/fre/melkite_greek_catholic_church/Jerusalem-Sieges-Patriarcaux
↑ Asbridge, Thomas. "The Crusades Episode 3". BBC. Archived from the original on 3 February 2012. Retrieved 1 July 2025.
↑ Bernard Regan (30 October 2018). The Balfour Declaration: Empire, the Mandate and Resistance in Palestine. Verso Books. p. 57.
↑ "About us". lpj.org. Latin Patriarchate of Jerusalem. Retrieved 1 July 2025.
↑ Redemptoris nostri cruciatus.
↑ Laura Robson, Colonialism and Christianity in Mandate Palestine, p. 162
↑ Sherlock, Ruth. "From his hospital bed, Pope Francis stays in touch with Catholic parishioners in Gaza". NPR.org. National Public Radio. Retrieved 23 June 2025.

[1] "en.lpj.org". Archived from the original on 2020-04-23. Retrieved 2014-07-25.

[2] ttps://www.melkitepat.org/fre/melkite_greek_catholic_church/Jerusalem-Sieges-Patriarcaux

[3] Asbridge, Thomas. "The Crusades Episode 3". BBC. Archived from the original on 3 February 2012. Retrieved 1 July 2025.

[4] Bernard Regan (30 October 2018). The Balfour Declaration: Empire, the Mandate and Resistance in Palestine. Verso Books. p. 57.

[5] "About us". lpj.org. Latin Patriarchate of Jerusalem. Retrieved 1 July 2025.

[6] Redemptoris nostri cruciatus.

[7] Laura Robson, Colonialism and Christianity in Mandate Palestine, p. 162

[8] Sherlock, Ruth. "From his hospital bed, Pope Francis stays in touch with Catholic parishioners in Gaza". NPR.org. National Public Radio. Retrieved 23 June 2025.

[1]

[2]

[3]

[4]

[5]

[6]

[7]

[8]