Gerija Karl, Tallinn
Gerija Karl (Estonia: Kaarli kirik) nya gerija Lutheran di Tallinn, Estonia, digaga ba taun 1862–1870 nitihka langkar Otto Pius Hippius. Iya nya gerija ke pemadu besai ba Tallinn ba kurun ke-19.[1]
Bukit Tõnismägi udah nyadi palan sebengkah chapel nyangka kenyau ari abad ke-14. Dalam taun 1670, maya jeman perintah Sweden, Raja Sweden Karl XI ngasuh ngaga sebengkah gerija ba palan nya, ungkup guna peranak Estonia enggau Finland di Tallinn (bebida enggau peranak Jereman Baltik). Gerija nya diberi nama nitihka nama raja. Dalam taun 1710, maya Perang Utara Besai, gerija kayu keterubah tu angus.[2]
Ba abad ke-19, perambu ngaga baru rumah nya bisi dibantaika. Pemeri duit berengkah dipejalaika dalam taun 1850-an, lalu batu pemun gerija baru nya diletak dalam taun 1862. Gerija ke agi bedau tembu nya dipenyadika dalam taun 1870.[2] Dua bengkah menara ba sepiak barat nya dipemesai dalam taun 1882.[3]
Gerija tu digaga nitihka tradisyen katedral Eropah Barat, enggau dua menara barat ti ngapit jenila bungai ros, lalu digaga ngena gaya Pemulai Romanesque. Gerija tu ngembuan pelin regang Latin, lalu kebendar iya gerija dewan, siling dipegai ba atas enggau nadai ngena tiang (nitihka chara mutarka penanggul ti dirunding Hippius enggau kerejasama Rudolf von Bernhardt). Apse nya diyias enggau lukis dinding Johann Köler, lukis dinding keterubah di Estonia digaga siku etnik Estonia. Gerija nya agi bisi loceng asal, gerija kayu, ke ditempa di Stockholm dalam taun 1696.[2]
Kereban sanding
[edit | edit bunsu]- ↑ "St. Charles's Church (Kaarli kirik)". Tallinn Tourism. Archived from the original on 11 December 2013. Retrieved 7 December 2013.
- ↑ 2.0 2.1 2.2 "History of Estonian Evangelical Lutheran Church Charles XI Parish in Tallinn". Charles' Church Congregation. Retrieved 7 December 2013.
- ↑ Tallinn Neil Taylor - 2007 - Page 151 CHARLES'S CHURCH "This massive and austere late 19th-century limestone building seats 1,500 people ... original wooden church built in the late 17th-century"
Laman web ke bukai
[edit | edit bunsu]
Media bekaul enggau Charles's Church, Tallinn ba Wikimedia Commons
59°25′54″N 24°44′20″E / 59.43167°N 24.73889°E
| International | |
|---|---|
| National | |
| Geographic | |
