Pegi ngagai isi

Gawai Paska Judah

Ari Wikipedia
Passover
חַג הַפֶּסַח‎
A table set up for a Passover Seder
Nama resmiPesach – Hebrew: פסח, romanized: Pesaḥ
BansaJewish (religious and cultural)
Reti
PengeramiPassover Seder
Berengkah15 Nisan
Tembu21 Nisan (22 Nisan in traditional Diaspora communities)
Haribulan15 Nisan, 16 Nisan, 17 Nisan, 18 Nisan, 19 Nisan, 20 Nisan, 21 Nisan, 22 NisanTemplat:Infobox holiday/wd
Bekaul enggauShavuot ("Festival of Weeks") which follows 49 days from the second night of Passover.

Gawai Paska Judah (Biblical Hebrew: חַג הַפֶּסַח‎, romanized: Ḥag hapPesaḥ, lit. 'Pilgrimage of the Passing Over'), nya hari besai dalam pengarap Judah lalu nyadi siti ari Tiga Pengerami Pengabas. Gawai tu ngerami Pemansut bansa Israel ari nyadi ulun ba menua Ejip.[1]

Nitihka Bup Pemansut, Allah Taala ngasuh Moses ngasuh orang Israel munuh siku anak bedus lalu nanda pintu sida ngena darah iya, kelimpah ari atur makai anak domba nya malam nya. Laban malam nya, Allah Taala deka ngirumka Melikat Pemati mai penusah ti kesepuluh, ke alai Iya deka munuh semua anak tuai di menua Ejip. Tang lebuh melikat nya meda darah ba rangka pintu orang Israel, iya semina mansa rumah sida ngambika penyakit nya enda tama. Cherita tu sebagi ari cherita Pemansut ti lebih luas, ke alai orang Israel, lebuh sida diau di menua Ejip, nyadi ulun raja Ejip kena nekan sida; lebuh raja enggai nerima peminta Allah Taala ti ngasuh sida mupuk, Allah Taala nganjung sepuluh iti penusah ngagai menua Ejip. Pengudah tulah kesepuluh, Raja ngemendarka orang Israel mupuk.[2] Bala pakar mayuh pechaya, asal pengerami Paska nya dulu ari Pemansut bup kudus, enggau teori ti madahka iya berevolusyen ari ritual sekeda nomad tauka pra-Israel ke dulu agi lalu udah nya diubah nengah tradisyen pengarap enggau kultus.[3]

Cherita tu ditusui baru ba Seder Paska enggau macha Haggadah. Haggadah nya cherita ritual ti standard pasal cherita Pemansut, dikena ngamatka pesan "Lalu nuan enda tau enda madah ngagai [Higgadata] anak nuan ba hari nya, ku nuan Tuhan aku lebuh aku pansut ari menua Ejip."[4]

Pesach berengkah kena hari ke-15 bulan Hebrew Nisan, ke dikumbai bulan keterubah dalam taun Hebrew. Kalendar orang Judah ke dipegai raban Rabbi diubah ngambika setipak enggau kalendar mata panas ngambika 15 Nisan seruran setipak enggau Hari Minggu, Hari Dua, Hari Empat, tauka Hari Enam. Hari orang Hebrew berengkah sereta abis maya matahari terebai, nya alai hari besai nya berengkah maya kilau sehari sebedau nya. Ambika chunto, ba taun 2025, 15 Nisan beserimbai enggau Hari Minggu, 13 April. Nya alai, Gawai Paska deka berengkah maya kilau hari kena Hari Nam, 12 April 2025.

Cherita Bup Kudus

[edit | edit bunsu]

Dalam Bup Pemansut

[edit | edit bunsu]

Dalam Bup Pemansut, orang Israel nyadi ulun ba menua Ejip kelia. Yahweh, petara orang Israel, ngayanka diri ngagai Moses ba babas ti benung angus lalu ngasuh Moses betapi enggau raja. Dikena nunjukka kuasa Iya, Yahweh ngenataika sepuluh iti penusah ti bejurut ngagai orang Ejip, lalu ngujungka penusah ti ngujungka anak tuai sida mati.

Udah nya Moses lalu bejaku enggau raja, “Tu jaku יהוה: 'Ba urung tengah malam, Aku deka bejalai nengah serata menua Ejip, lalu semua anak tuai ti lelaki dalam menua Ejip deka mati magang, belabuh ari anak tuai raja, nyentuk ngagai anak lelaki indu ke ulun ke ngisar gandum, enggau anak tuai semua jelu tupi. Orang deka beterauh nyabak di serata menua Ejip, baka ke nadai udah kala nyadi kelia, tauka ila.

— Pemansut 11:4–6

Sebedau penusah ke penudi tu, Yahweh ngasuh Moses ngasuh orang Israel nanda darah anak bedus ba atas pintu sida ngambika Allah Taala ulih mansa sida lalu penusah pemati anak tuai enda nuntung sida.

Atur bup kudus kena ngintu pengerami nya minta semua chiping dibuai sebedau pun 15hb Nisan nitihka Pemansut 13:7 Siku anak bedus tauka kambin ti nadai penimpang, ti dikelala enggau nama piring Paska tauka "Anak Domba[5], patut diseraraka kena 10hb Nisan enggau 14hb Nisan. kena nyediaka diri kena 15hb Nisan lebuh iya deka diempa pengudah dipanggang.[6] Reti jaku Hebrew ti bendar iya nya "entara dua lemai".[7] Udah nya iya deka diempa “malam nya”, 15hb Nisan,[8] dipanggang, nadai muai perengka dalam iya[9] enggau ruti ti nadai beragi, ti dikelala enggau nama matzah, enggau herba pait ti dikelala enggau nama maror.[8] Nadai utai ari piring ti diberi lebuh mata panas niki pagi 15 haribulan Nisan, tau diempa, tang enda tau enda ditunu.[10]

Atur bup kudus pasal Gawai Paska asal maya Pemansut semina mega nyengkaum chara pemakai nya diempa: "betanchang pinggang kita, kasut kita ba kaki kita, lalu tungkat kita megai jari kita; lalu kita enda tau enda makai nya enggau beguai-guai: nya piring Paska ngagai יהוה ."[11]

Peminta Bup Kudus iya nya munuh anak bedus Paska ba rumah orang Hebrew siku-siku lalu ngelumur darah anak bedus nya ba pintu sida diintu di menua Ejip. Tang, lebuh Israel udah ba menua puang lalu Langkau Kain Besai udah berengkah dikena, ubah digaga ba dua iti utai ti dipinta asal nya.[12] Anak domba Paska patut diberi nyadika piring ba pintu Langkau Kain Sembiang lalu enda agi diberi ba rumah orang Judah. Nya alai, enda ulih agi darah dilumur ba pintu.

Penyanding

[edit | edit bunsu]
  1. ↑ "What is Passover? – Learn All About the Passover Holiday". Tori Avey (in Inggeris AS). March 4, 2012. Archived from the original on October 18, 2021. Retrieved October 18, 2021.
  2. ↑ Templat:Bibleverse
  3. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  4. ↑ "Exodus 13:8". Archived from the original on March 8, 2021. Retrieved April 7, 2021.
  5. ↑ Templat:Bibleverse
  6. ↑ Templat:Bibleverse
  7. ↑ Templat:Bibleverse English Standard Version
  8. ↑ 8.0 8.1 Templat:Bibleverse
  9. ↑ Templat:Bibleverse
  10. ↑ Templat:Bibleverse
  11. ↑ Templat:Bibleverse
  12. ↑ Templat:Bibleverse

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Gawai_Paska_Judah&oldid=12181"