Garis entara menua Malaysia–Thailand
| Garis entara menua Malaysia–Thailand | |
|---|---|
 Dinding garis entara menua Malaysia enggau Thailand semak pos nyaga Padang Besar. | |
| Characteristics | |
| Entiti |  Malaysia  Thailand |
| Pemanjai | 595 kilometer |
| Sejarah | |
| Ditumbuhka | 10 Mac 1909 |
| Tukuh kemaya tu | 1909 |
| Sempekat | • Sempekat British-Siam 1909 |
Garis entara menua Malaysia–Thailand mechahka menua Malaysia enggau Thailand lalu bisi garis entara menua darat ke sepemanjai 595 km (370 bt) meraka Semenanjung Tanah Melayu enggau garis entara menua maritim di Selat Melaka enggau Teluk Thailand / Tasik China Selatan. Sungai Golok nyadi garis entara menua ke pemadu timur enggau pemanjai 95 km.
Garis entara menua darat nya bepelasarka sempekat taun 1909 entara Thailand (maya nya dikelala enggau nama Siam), enggau British ti udah berengkah ngemeranka pengaruh iya ba negeri Melayu utara baka Kedah, Kelantan, Perlis, enggau Terengganu ba pun abad ke-20, negeri ti sebedau tu dikuasa Siam. Diatu, garis entara menua dua piak nya nengah empat bengkah negeri Malaysia (Kedah, Kelantan, Perak, enggau Perlis) enggau empat bengkah provinsi Thailand (Narathiwat, Satun, Songkhla, enggau Yala).
Malaysia enggau Thailand bisi sempekat garis entara menua tasik enggau rak benua ungkup Selat Melaka ti disain dalam taun 1979 enggau 1971. Sempekat taun 1979 mega nyengkaum Indonesia nyadi sain laban nya mega netapka tiga titik garis entara menua rak benua begulai ungkup ketetiga menua nya. Sempekat taun 1979 mega numbuhka garis entara tasik kandang menua di Teluk Thailand seraya sempekat pemereti ati kediri ke disain dalam taun 1979 numbuhka garis entara rak benua pandak ba kandang menua nya. Adan ti ngelui ari ti udah dipesetuju nya tau nyadi penyarut ketegal tuntut ti betumpang atas dasar tasik. Peminta ti betumpang nya ngujungka penumbuh kandang endur pemansang begulai dalam taun 1990 ke alai kededua menua setuju bekunsi pengeraja asal mineral ba kandang endur ti betukuh baji ti ngembuan pemesai 7,250 km persegi.
Garis entara menua ba darat
[edit | edit bunsu]
.jpg)
Garis entara menua darat Malaysia-Thailand ke sepemanjai 658 kilometer nya mungkur bagi ke sepemanjai 552 kilometer ba tanah ke nengah kandang ai sekeda kandang gunung di utara Semenanjung Malaysia enggau selatan Thailand, lalu 106 kilometer ke sepemanjai Sungai Golok.[1]
Ari barat ke timur, garis entara menua berengkah ba siti endur ti ba utara nanga Sungai Perlis baka ti ditukuka dalam jadual Sempekat British-Siam taun 1909 ke alai terminal garis entara menua ti pemadu barat deka ba "titik ti pemadu nuju tasik ba tebing utara nanga Sungai Perlis".
Sempekat nya udah nya madahka garis entara menua nya mindah ke utara ari endur tu ngagai Tatai Sayun, siti pengerembai Gunung Si Thammarat Thailand, sepemanjai urung 15 batu (24 km) sebedau nuju ke timur nengah kandang ai Sungai Lam Yai Thailand enggau Sungai Perlis Malaysia nuju pendai bukit Kedah-Singgora ke alai iya mindah ke selatan nitihka pendai nyentukka datai ba kandang ai ungkup Sungai Perak enggau Pattani. Tuchung bukit ba sepemanjai bagi garis entara menua tu nyengkaum Lata Papalang.
Garis entara menua nya udah nya mindah ke timur meraka bagi menua utara Semenanjung Malaysia sepemanjai kandang ai Sungai Perak Malaysia enggau Sungai Pergau (di Kelantan) ba sepiak, enggau Sungai Pattani enggau Sai Buri Thailand ba sepiak bukai nyentukka iya datai ba Bukit Jeli. Entara pun gunung ke bisi ba sepemanjai bagi garis entara menua tu iya nya Bukit Kobeh, ke nyadi titik pemadu selatan Thailand, enggau Ulu Titi Basah.
Ba Bukit Jeli, urung 8.5 km penyauh garis entara menua mengkang diperebutka kededua menua.[2]
Ari Bukit Jeli, garis entara menua nitihka Sungai Golok nyentuk ngagai nanga sungai di Kuala Tabar, sepenyauh 95 km. Garis entara menua nitihka bagi tauka pelasar sungai ti pemadu dalam.[3]
Pengawa nyukat enggau ngaga garis entara menua
[edit | edit bunsu]Pengawa nyukat enggau ngaga garis entara kandang ai berengkah kena 6 Julai 1973 lalu tembu, kelimpah ari bagi menua ti diperebutka 8.5 kilometer di Bukit Jeli, kena 26 September 1985. Ungkup bagi Sungai Golok, pengawa nyukat garis entara menua nya berengkah kena 1 November 2000 lalu tembu kena 30 September 2009.[1]
Garis entara menua maritim
[edit | edit bunsu]Malaysia enggau Thailand bekunsi garis entara menua maritim ba dua kandang endur: ba Selat Melaka enggau ba Teluk Thailand/Tasik China Selatan.
Selat Melaka
[edit | edit bunsu]Ba ujung barat garis entara menua, sempekat British-Siam 1909 nentuka pun garis entara menua maritim baka:
- Bekaul enggau pulau-pulau ke semak enggau pantai barat, sida ke ba utara selari latitud ke alai titik ke pemadu nuju tasik ba tebing utara muara Sungai Perlis (terminal barat garis entara menua Malaysia-Thailand) negu tasik deka mengkang ngagai Siam, lalu sida ke ba paralleull ngagai British."
- Pulau ti dikelala enggau nama Pulau Langkawi, begulai enggau semua pulau mit di selatan alur tengah entara Tarutao enggau Langkawi, lalu semua pulau di selatan Langkawi deka nyadi British. Tarutao enggau pulau-pulau mit ba utara tengah saluran deka mengkang ngagai Siam.
Sempekat adan kandang tasik entara dua bengkah menua nya disain kena 24 Oktober 1979[4] nentuka titik tengah saluran entara Langkawi enggau Tarutao ngambika ba 6°28′30″N 99°39′12″E / 6.47500°N 99.65333°E / 6.47500; 99.65333 ti digaga nyadi pun timur garis entara kandang tasik. Kededua menua nya mega bisi sempekat garis entara menua rak benua ungkup segmen garis entara menua maritim sida tu. Sempekat tu, ti disain kena 21 Disember 1978, nyengkaum Indonesia kena numbuhka titik tiga ba 5°57′0″N 98°1′30″E / 5.95000°N 98.02500°E / 5.95000; 98.02500.
Teluk Thailand/Tasik China Selatan
[edit | edit bunsu]Sempekat
Sempekat British-Siam 1909 madahka garis entara menua maritim entara dua bengkah menua tu baka tu:
- "Semua pulau ti besepiak enggau Negeri timur Kelantan enggau Terengganu, selatan sebaka latitud ti digambar ari endur Sungei Golok datai ba tebing tasik ba endur ti dikumbai Kuala Tabar, deka dipindahka ngagai Great Britain, lalu semua pulau ba utara sebaka nya deka mengkang ngagai Siam."
Berindik ari nya, kededua perintah nyain sekeda sempekat bekaul enggau garis entara menua maritim begulai sida di Teluk Thailand enggau Tasik China Selatan. Sempekat adan rak benua 1973 entara dua iti perintah nya mina mungkur bagi Teluk Melaka segment lalu enda nyengkaum adan ba Teluk Thailand tang kena 24 October 1979, siti sempekat[4] enggau memorandum sepenemu[5] disain kena nentuka adan maritim entara kededua menua nya ba Teluk Thailand. Sempekat keterubah numbuhka adan kandang tasik ari nanga Sungai Golok ba 6°14′30″N 102°5′36″E / 6.24167°N 102.09333°E / 6.24167; 102.09333 ngagai 6°27′30″N 102°10′0″E / 6.45833°N 102.16667°E / 6.45833; 102.16667. Memorandum sepenemu numbuhka sempadan rak benua ari titik ujung utara ngagai 6°50′0″N 102°21′12″E / 6.83333°N 102.35333°E / 6.83333; 102.35333 enggau siti titik betukar ba entara.
Kereban sanding
[edit | edit bunsu]- ↑ 1.0 1.1 "Laporan Tahunan Jabatan Ukur dan Pemetaan 2018 (Department of Survey and Mapping Annual Report 2018)" (PDF) (in Melayu). Department of Survey and Mapping, Malaysia. Retrieved 28 February 2020.
- ↑ "Deputy minister: Mapping of M'sia-Thailand border completed except an area at Bukit Jeli". The Borneo Post (in Inggeris). 2015-11-13. Retrieved 2020-02-27.
- ↑ "Malaysia-Thailand Boundary" (PDF), International Boundary Study, 57, 15 November 1965, archived from the original (PDF) on 16 September 2006, retrieved 19 April 2008
- ↑ 4.0 4.1 Treaty between the Kingdom of Thailand and Malaysia relating to the Delimitation of the Territorial Seas of the two Countries (PDF), 24 October 1979, retrieved 28 June 2008
- ↑ Memorandum of Understanding between the Kingdom of Thailand and Malaysia on the Delimitation of the Continental Shelf Boundary between the two Countries in the Gulf of Thailand (PDF), 24 October 1979, retrieved 28 June 2008