Fête de la Musique
| Fête de la Musique | |
|---|---|
.jpg) Fête de la Musique dalam 21 Jun 2010 ba Paris | |
| Genre | Muzik dunya |
| Dates | 21 Jun, ninting taun |
| Endur |
|
| Years active | 1982–diatu |
| Founders | |
| Laman web | fetedelamusique |
Fête de la Musique, tauka dikelala dalam jaku Iban enggau nama Hari Muzik, Hari Ngaga Muzik, tauka Hari Muzik Sedunya, nya pengerami muzik ninting taun ti diatur kena 21 Jun. Maya Hari Muzik, bala mayuh dilalau bemain muzik ba luar ba kandang endur sida diau tauka ba palan mensia mayuh enggau taman. Konsert enda bebayar mega bisi diatur, ke alai bala pemuzik bemain ketegal deka beperindang lalu ukai ketegal deka dibayar.
Pengerami muzikal keterubah sepemanjai hari ba hari solstis musin panas dipunka Jack Lang, Menteri Budaya Peranchis maya nya, pia mega Maurice Fleuret; pengerami nya diintu ba Paris dalam taun 1982. Hari Muzik udah nya nyadi diintu ba 120 bengkah menua di serata dunya.
Sejarah
[edit | edit bunsu]Kena bulan Oktober 1981, Maurice Fleuret nyadi Pengarah Muzik enggau Tanda ba Opis Menteri Budaya Peranchis ketegal peminta Jack Lang. Iya ngena refleksyen iya ngagai pengawa muzik enggau evolusyen iya: "muzik ba dini-dini endur enggau konsert ba sebarang endur". Lebuh iya tetemuka, dalam pansik taun 1982 pasal ulah budaya orang Peranchis, lima juta iku orang, siku orang biak ari dua iku, bemain perengka muzik, iya berengkah masang juluk ati deka mai orang pansut ba jalai alun. Keterubah iya diatur dalam taun 1982 di Paris enggau nama Fête de la Musique.[1][2]
Kenyau ari nya, pengerami tu nyadi fenomena entarabansa, diintu ba hari ke sama ba lebih 700 bengkah mengeri di 120 bengkah menua, nyengkaum India, Jereman, Itali, Gerika, Rusia, Australia, Peru, Brazil, Ecuador, Mexico, Kanada, Amerika Serikat,[3] UK, enggau Jipun.[4]
Juluk
[edit | edit bunsu]Tuju Fête de la Musique iya nya dikena ngelakuka muzik. Bala pemuzik amatur enggau profesional diperansang merindang ba jalai alun, ngena rambai jaku "Faites de la musique" ("Ngaga muzik"), homofon ari Fête de la musique.[5] Beribu konsert enda bebayar diatur sepemanjai hari, ngasuh semua genre muzik ulih diperindang ngagai mensia mayuh.[6]
Penyanding
[edit | edit bunsu]- ↑ "Historique de la Fête de la Musique". Fete de la Musique. Archived from the original on 4 February 2018. Retrieved 3 February 2018.
- ↑ "La Fête de la musique : une fête nationale devenue un grand événement musical mondial". Le Ministère de la Culture et de la Communication: Fête de la Musique (in Perancis). Archived from the original on 26 April 2015. Retrieved 26 April 2015.
- ↑ "Make Music Day". Archived from the original on 18 June 2020. Retrieved 19 June 2020.
- ↑ "Around The World". Make Music – 21 June. Archived from the original on 21 June 2015. Retrieved 26 April 2015.
- ↑ "Historique de la Fête de la Musique". Archived from the original on 4 February 2018. Retrieved 22 June 2022.
- ↑ "Fête de la Musique 2019: How to make the most of France's biggest street music party". www.thelocal.fr. 21 June 2019. Archived from the original on 30 January 2021. Retrieved 20 June 2020.
Laman web ke bukai
[edit | edit bunsu]- Laman web Opis Menteri Budaya Peranchis pasal Fête de la Musique (dalam jaku Peranchis, bagi entarabansa mega bisi dalam jaku Inggeris )
