Pegi ngagai isi

Empat Puluh Martir ari Sebaste

Ari Wikipedia
Empat Puluh Martir ari Sebaste
Ikon Empat Puluh Martir ari Sebaste
Midangc. 320 Anno Domini, Sebaste
(diatu Sivas, Turki)
DimartirRaja Besai Licinius
Ketegal martirExposure
Dipebasa ba
DikanonSebedau eklesia
Pengerami9 March
10 Mac (sebedau 1970 General Roman Calendar)[1]
TandaCrown of martyrdom
Martyr's palm
PengintuOrang Kristian ti diperinsa


Empat Puluh Martir ari Sebaste tauka Empat Puluh Kudus (Gerika Kelia/Katharevousa enggau Ἅγιοι Τεσσαράκοντα) nya seraban soldadu Rome ba dalam Legio XII Fulminata (Besenyata Guntur) ti martir dalam taun 320 AD ketegal pengarap Kristian dicheritaka baru dalam martyrologi tradisional.

Sida dibunuh semak mengeri Sebaste, di Armenia Mit (diatu Sivas di Turki ), nyadi mansa pemerinsa Licinius ti, sepengudah taun 316, udah merinsaka orang Kristian ba Timur. Cherita ti pemadu tumu pasal pemisi enggau pemati sida diberi Bishop Basil ari Caesarea (370–379) dalam jaku ajar ti dikenataika iya maya hari pengerami sida.[2] Enggau nya, Pengerami Empat Puluh Martir tu tuai agi ari Basil empu, ke muji sida semina lima puluh tauka nam puluh taun pengudah sida midang.

Pemidang Martir

[edit | edit bunsu]
Siti miniatur ari Leksyen Injil Siria, digaga c. 1220 semak Mosul lalu mantaika pengaruh Arab-Mongol ti tegap.

Nitihka penerang ari Basil, empat puluh iku soldadu ti udah ngaku diri orang Kristian enggau chara tebuka diukum prefek ngambika dipandangka enggau nadai begari ba atas kolam ti beku semak Sebaste ba malam ti bangat chelap, ngambika sida tau beku nyentukka parai. Entara orang ke ngaku penyalah, siku ngalah lalu, ninggalka bala kaban iya, ngiga endur mandi ti angat semak tasik ti udah disediaka ke sapa-sapa ti tau ngayanka diri enda tetap. Lebuh direndam dalam periuk, orang ke ngalahka diri nya tekenyit lalu tekala nya mati. Siku ari bala jejaga, Aglaius, udah ditetapka deka nyaga bala martir lalu meda ba maya tu siti penampak ti nyelai ti ngelamun sida. Iya tekala nya madahka diri orang Kristian, lalu muai gari iya, lalu begulai enggau tiga puluh sembilan iku ke bukai.[3] Nyadi penyampau empat puluh iku nya mengkang lengkap. Lebuh hari nyau pagi, bangkai bala pengakun ti udah tegap, ti agi bisi tanda pengidup, ditunu lalu abu nya dibuai ngagai sungai. Tang orang Kristian ngumpul bangkai ti berega nya, lalu relik nya diagihka ngagai mayuh bengkah mengeri. Pengawa bebasaka Empat Puluh Martir nyadi ngerembai.

Nama

[edit | edit bunsu]
Gerija Ortodoks Empat puluh martir Sebaste di Bitola, Makedonia Utara.

Menaion Gerija Ortodoks Timur ngerintaika nama Empat Puluh iku Martir baka tu:

  • Hesychius, Meliton, Heraklius, Smaragdus, Domnus, Eunoikus, Valens, Vivianus, Klaudius, Priskus, Teodulus, Eutikius, John, Santias, Helianus, Sisinius, Cyrion, Angius, Aetius, Flavius, Akasius, Lisimatius, Eleksander Nyadi sida iya nya Teopilus, Dometius, Gaius, Gorgonius, Utikes, Atanasius, Sairil, Sakerdon, Nikolas, Valerius, Piloktimon, Severian, Kudion enggau Aglaius. [4]

Nitihka penerang ari Antonio Borrelli, nama sida iya nya:

  • Aetius, Eutikius, Sairius, Teopilus, Sisinius, Smaragdus, Candidus, Aggia, Gaius, Kudio, Heraklius, John, Pilotemon, Gorgonius, Kirilus, Severius, Teodulus, Nikalus, Flavius, Xantius, Valerius, Eusikius, Leontius (Teoktistus), Valens, Akasius, Aleksander, Vikratius (Vibianus), Priskus, Sakerdos, Ekdisius, Atanasius, Lisimakus, Klaudius, Ile, Melito enggau Utikus (Aglaius).[5]

Pengawa bebasaka

[edit | edit bunsu]
Gerija Empat Puluh Martir Kudus, Veliko Tarnovo, kurun ke-13

Keterubah

[edit | edit bunsu]

Sebuah gerija digaga ba Caesarea, di Kapadokia, lalu ba gerija tu meh alai Basil mantaika jaku ajar iya ba mua mayuh. Gregory ari Nyssa kelebih agi rindu ke Empat Puluh Martir; dua iti jaku muji seduai iya, ti dipadahka iya dalam gerija ti diungkupka ngagai seduai iya, agi mengkang ditan[6] lalu lebuh apai indai iya mati, iya ngengkahka seduai iya belelak ba tisi relik sida martir tadi. Ephrem orang Siria mega udah muji Empat Puluh Martir.[7] Sozomen, ti nyadi saksi mata, udah ninggalka cherita ti narit ati pasal penemu relik nya di Konstantinopel, ba shrain Sante Thyrsus ti digaga Caesarius, nengah kereban Permaisuri Pulcheria.[8]

Ba Timur

[edit | edit bunsu]
Chapel Empat Puluh Martir ba Gerija Pendam Kudus, Jerusalem.

Pengingat pasal Empat Puluh Martir nya ngerembai ba serata menua Timur. Monasteri Empat Puluh Sante di Sarandë, Albania kemaya hari tu, ti meri nama iya dalam jaku Gerika ngagai mengeri nya empu (Άγιοι Σαράντα, Hagioi Saranda), digaga dalam abad ke-6 AD, lalu dipelabaka nyadi palan pengabas ti penting.[9] Sophia di Ohrid ( Macedonia Utara kemaya hari tu) enggau Kyiv (Ukraine) ngundan gambar sida, ke digaga ba abad ke-11 enggau ke-12. Sepenyampau chapel bantu diungkupka ngagai Empat Puluh, lalu bisi beberapa iti insiden lebuh serata shrain (begunan gerija) diungkupka ngagai sida: ambika chunto Monasteri Xeropotamou ba Gunung Athos enggau Gerija Empat Puluh Martir Kudus abad ke-13, di Veliko Tarnovo, Bulgaria. Anna Komnene bejaku pasal Gerija 40 iku sante nya ke bepalan ba Konstantinopel, ba Alexiad. Dalam taun 2013 Pengerami Empat Puluh Martir Kudus di Štip ditulis dalam Rintai Pesaka Budaya Ti Enda Bepegai UNESCO Macedonia Utara.[10]

Ba Siria, Katedral Armenia Aleppo enggau Katedral Ortodoks Gerika Homs diungkupka ngagai Empat Puluh Martir.

Hari pengerami Empat Puluh Martir diintu kena 9 Mac. Ba Gerija Ortodoks ti nitihka kalendar Julian, hari tu sengaja diengkah ngambika iya diintu maya Lent Besai. Bisi main ti sengaja ba lumur empat puluh nyadi kededua penyampau martir enggau hari dalam pasa. Pengerami sida mega labuh maya Lent Besai ngambika pengeliat ati bala martir deka nyadika teladan ngagai orang ke arap ngambika tan nyentuk ke pengujung (iya nya, sepemanjai empat puluh hari bepasa) ngambika bulih upah serega (ngambi bagi dalam Pascha (Hari Easter), Pengangkat Jesus ari Mati).

Bisi adat ti bepengarap iya nya ngaga “skylarks” (kuih ti betukuh baka burung langit) ba hari tu, laban orang pechaya burung belagu maya tu dikena madahka penatai musin bungai.

Siti sampi ti nyebut pasal Empat Puluh Martir Kudus ari Sebaste mega diengkah dalam Servis Bejadi Ortodoks (dikumbai "pemakai mahkota") dikena ngingatka pengantin lelaki enggau indu ti madahka mahkota roh nganti seduai iya di Serega mega enti seduai iya mengkang tetap ati ngagai Kristus baka bala orang sante kelia tu.

Dalam seni Ortodoks

[edit | edit bunsu]
Ikon relief gading ari Konstantinopel, kurun ke-10 (Muzium Bode, Berlin).

Artis Byzantine alit ati enggau subjek ti ngemendarka sida ngayanka pengasa ati mensia enggau chara grafik. Bala Martir biasa iya diarika ba maya sida deka beku nyentukka mati, "begetar ketegal pengangat, merap diri ngambika angat, tauka ngenggam jari ngagai mua tauka jari sida enggau pemedis sereta asa".[11] Tu kelebih agi nyata ba plak gading kurun ke-10 ti besai ari Muzium Bode enggau mozek nyamai dikalih Palaiologan ti disediaka dalam lilin, ari Dumbarton Oaks.

Ba Barat

[edit | edit bunsu]

Pengarap khas ngagai Empat Puluh Martir Sebaste diberi kelala ba maya ti tumu ngagai menua Barat. Bishop Gaudentius ari Brescia (mati kira-kira taun 410 tauka 427) nerima partikel abus martir lebuh iya bejalai di Timur, lalu diengkah iya enggau relik bukai ba altar basilika ti udah didirika iya, lebuh pengawa nguduska iya mantaika jaku, ti agi bisi.

Gerija Santa Maria Antiqua ba Forum Rome, digaga dalam abad kelima, ngundan sebuah chapel, digaga baka gerija nya empu ba palan kelia, lalu dikuduska ngagai Empat Puluh Martir. Siti mural abad kenam tauka ketujuh dia ngayanka sida mati ketegal pengarap sida. Nama pengangkun, baka ke ditemu kitai mega ba sumber ke dudi, kala ditulis ba lukisan dinding tu.

Pengawa bala martir tu, ti ditulis udah nya, dalam jaku Gerika, Siriak enggau Latin, agi bisi, mega siti "Sempekat" Empat Puluh Martir.

Ba menua Barat, pengerami Empat Puluh Martir Sebaste diintu kena 10 Mac lalu ditekan dalam taun 1969. Ba sekeda menua, ambika chunto Poland enggau Slovenia, 10 Mac diberi nama Hari Martir nyadika relik ari pengerami nya lalu disambut nyadi Hari Laki ulih sekeda orang.[12] Hari Laki Entarabansa nyadi kena 19 November.

Peda mega

[edit | edit bunsu]
  • 20,000 Martir ari Nikomedia
  • 42 Martir ari Amorium
  • Empat puluh Martir di England enggau Wales

Bacha ke silik agi

[edit | edit bunsu]
  • Ari Empat Puluh Iku Soldadu (9 Mac) dalam "Pengidup Orang Kudus Ælfric", dikarang Ælfric ari Eynsham London, Pub. ungkup gerempung teks jaku English Keterubah, dikarang N. Trübner & co. (1881).

Penyanding

[edit | edit bunsu]
  1. ↑ "Forty Martyrs of Sebaste". Oxford Reference. Retrieved 10 March 2024.
  2. ↑ Homilies xix in P.G., XXXI, 507 sqq.
  3. ↑ "Martyr Acacius of the Holy 40 Martyrs of Sebaste". oca.org.
  4. ↑ (Slavonic) http://puhtitsa.ee/library/liturgical_texts/menaion/Daily_Menaion/07_March/mar09.pdf
  5. ↑ (dalam jaku Itali) Santi Quaranta Martiri di Sebaste
  6. ↑ P. G., XLVI, 749 sqq., 773 sqq.
  7. ↑ Hymni in SS. 40 martyres.
  8. ↑ Historia Ecclesiastica, IX, 2
  9. ↑ 40 shenjtoret, zbulohen 6 vaska pagëzimi, befasohen arkeologët, Fatmira Nikolli Archived 2014-04-17 at the Wayback Machine
  10. ↑ "Feast of the Holy Forty Martyrs in Štip". UNESCO.
  11. ↑ The Metropolitan Museum of Art
  12. ↑ Lasota-Krawczyk, Justyna (6 March 2024). "Dzień Mężczyzn: Już w piątek święto wszystkich panów" [Men's Day: A Celebration of All Men on Friday]. RMF24 (in Poland).

Laman web ke bukai

[edit | edit bunsu]
  • [1] 40 iku Martir Kudus Sebaste - Ikon enggau sinaksarion Ortodoks Timur
Diambi ari "https://iba.wikipedia.org/w/index.php?title=Empat_Puluh_Martir_ari_Sebaste&oldid=11508"