Dolar Sarawak

Dolar Sarawak
	Sarawak dollar of 1935
Unit
Simbol	$‎
Bansa mata wang
Subunit
1⁄100	sen
Duit nut	5, 10, 20, 25, 50 cents, 1, 5, 10, 25, 50, 100 dolar
Duit seling	1⁄4, 1⁄2, 1, 5, 10, 20, 50 sen
Demografi
Pengena	Perintah Sarawak
Pemansut
Bank pusat	Perintah Sarawak
	This infobox shows the latest status before this currency was rendered obsolete.

Dolar Sarawak nya mata duit Perintah Sarawak kenyau taun 1858 ngagai 1953. Tu tau dibagi ngagai 100 sem. Dolar nya tetap senyawa enggau dolar Selat sereta penangkan iya dolar Malaya, mata duit Malaya enggau Singapura, kenyau mata duit tu digaga nyentuk ke maya mata duit tu diganti dolar Malaya enggau Borneo Britihs ba taun 1953.

Lebuh Sarawak dipegai Jipun (1942–1945), duit nut dipansutka dalam mata 1 sen nyentuk ke 1,000 dolar. Mata duit tu ditetapka 1 dollar = 1 yen Jipun, enti dibanding enggau kadar 1:2 sebedau perang. Berindik perang nya, mata duit lebuh dipegai Jipun udah dipadahka nadai rega lalu pemansut dolar Sarawak sebedau tu bulih baru rega iya enti dibandingka enggau mata duit sterling (dua seling empat peni).

Duit seling

Semua duit seling Sarawak bisi portret enggau nama siti ari tiga "Rajah Putih" Sarawak, James Brooke nyentuk ke 1868, Charles Brooke ari taun 1868 nyentuk ke 1917, lalu Charles Vyner Brooke ari taun 1917 nyentuk ke mata duit tu enda dikena ba taun 1938.^{[sitasyen patut disediaka]} Sepemanjai sejarah dolar Sarawak, duit seling ditempa enggau nyawa 1⁄4 sen, 1⁄2 sen, 1 sen, 5 sen, 10 sen, 20 sen, enggau 50 enggau. Duit temaga benyawa 1⁄4 nya mata ke pemadu mimit lalu keterubah iya ti enda digaga agi, kepenudi iya ba taun 1896. Duit seling benyawa 1⁄2 mega digaga ari temaga lalu pengudah ngurangka saiz pengujung iya diketuka dalam taun 1933. Berengkah ari taun 1892 duit seling 1 sen bisi lubang ba tengah, tang langkar ti belubang nya diketuka pengudah taun 1897.^{[sitasyen patut disediaka]}

Ba taun 1920 duit seling 1 sen ditempa ngena temaga-nikel tang udah nya dipulaika ngagai engkeraju dalam taun 1927. Duit seling 5 enggau 10 sen nya 80% pirak nyentuk ngagai taun 1920, lebuh iya dikurangka enda lama ngagai 40% pirak lalu udah nya diganti ngena temaga-nikel ba taun ke sama. Duit seling 20 enggau 50 sen mengkang pirak tang dalam taun 1920 dikurangka ari 80% ngagai 40%.^[1]

Duit nut

Siri keterubah dikeluarka Tresuri Perintah Sarawak. Tu duit nut ti dichup jari ti bekualiti baruh. Semua duit nut udah nya dikeluarka Perintah Sarawak kelimpah ari duit kertas 10 sen enggau 25 sen dalam taun 1919 (dikeluarka Perbendaharaan baru). Sepemanjai sejarah iya, duit nut bisi rega 5 sen, 10 sen, 20 sen, 25 sen, 50 sen, $1, $5, $10, $25, $50, enggau $100.^[2]

Peda mega

Dolar Borneo Utara British

Kereban sanding

↑ George S, Cuhaj (2005). 2006 Standard Catalog of world coins (1901 to present) (in Inggeris). US: KP Books. p. 1888. ISBN 0-87349-987-5.
↑ George S, Cuhaj (2008). Sarawak – Standard Catalog of World paper money – General Issues (1368–1960) (in Inggeris) (12th ed.). US: Krause Publications. p. 1049. ISBN 978-0-89689-730-4.

Laman web ke bukai

Duit seling ari Sarawak

[1] George S, Cuhaj (2005). 2006 Standard Catalog of world coins (1901 to present) (in Inggeris). US: KP Books. p. 1888. ISBN 0-87349-987-5.

[2] George S, Cuhaj (2008). Sarawak – Standard Catalog of World paper money – General Issues (1368–1960) (in Inggeris) (12th ed.). US: Krause Publications. p. 1049. ISBN 978-0-89689-730-4.

[1]

[2]