Curling
Curling [kĕr-ling] iya nya lumba enggau main ke alai pemain ari dua raban ngelunsurka batu granit khas ( batu ) ba atas lambar ais ( curling sheet ) nuju endur ke dituju ke ditanda ngena empat iti bulatan bebaris ( rumah ); main tu dimain ngena chara ti sebaka enggau main bol . Tiap tim bisi lapan igi batu, lalu tiap iku pemain ngelempaika dua iti batu nya. Main tu dimenang tim ke bulih skor pemadu tinggi ari raban poin ke diulih enggau chara ngengkahka batu ke pemadu semak enggau tengah tagit pengudah tiap iku pemain udah ngelempaika batu sida, iya nya timpuh pengujung . Sesebengkah main bisi lapan ngagai sepuluh ari "timpuh pengujung" tu.
Pemain ulih ngasuh pejalai batu ti dibuai nya enggau chara ngubah tunga batu nya enggau laun lalu dibantu " tukang sapu " ti nitihka batu nya sepemanjai permukaan ais ngena kereban sapu ti ngereja ais ba mua batu nya, ngurangka geseran iya. Lumba enggau main tu disemaka baka main catur ari sukut merambu jalai enggau endur batu ti ideal ba tiap renggat sereta pengelandik tukang sapu ngulihka asil ti dikedekaka.
Lumba enggau main tu dimain ba mayuh bengkah menua baka Kanada, United Kingdom (kelebih agi Scotland), Amerika Syarikat, Norway, Sweden, Switzerland, Denmark, Finland enggau Jepun, semua nya bepekit ba pekit antarabansa. Lumba enggau main tu empu udah dipekitka ba Olimpik Musim Dingin kenyau ari taun 1998 .
Perengka
[edit | edit bunsu]Permukaan bemain ( curling sheet ) .
Mua tauka padang main lumba enggau main tu ditukuka nitihka atur ti ditetapka World Curling Federation iya nya gelanggang ais ti bebentuk segi empat iya nya, dalam, 45 ngagai 46 m pemanjai enggau 4.4 ngagai 5.0 meter pemesai.
Batu lemparan (curling stone)
Batu khas tu digaga ari granit sereta ditetapka merat 17.24 sereta 19.96 kilogram enggau keliling maksimum 914.mm enggau peninggi minimum 114.3 mm.
Penyapu (curling broom)
Dikena nyapu mua ais ti ditengah batu lempai sereta mega nyadi bahan sukung imbang lebuh ngelempaika batu.
Kasut
Kasut khas ke betapak Teflon dikena pemain lebuh ngelempaika batu sereta lebuh ngelunchur ba atas ais enggau selichin ti ulih.