Pegi ngagai isi

Chrodegang

Ari Wikipedia
Saint Chrodegang
Adac. 712[1]
Hesbaye (modern Belgium), Dioecesis Leodiensis, Austrasia, Kingdom of the Franks
MidangTemplat:Death date
Metz, Kingdom of the Franks
Dipebasa baCatholic Church
Major shrineGorze Abbey
PengeramiMarch 6

Chrodegang (Latin: Chrodogangus; Jereman: Chrodegang, Hruotgang  ; [note 1] midang 6 Mac 766) nyadi Bishop Frankish Metz ari taun 742 tauka 748 nyentukka iya mati. Iya nyadi chanselor ke kaban belayan iya, Charles Martel. Chrodegang dikumbai nyadi aki ini dinasti Frankish ari raban Robert. Iya diaku nyadi sante dalam Gerija Katolik.

Biografi

[edit | edit bunsu]

Iya ada ba pun abad kelapan di Hesbaye (Belgium, ngelingi sivitas lama Rome Tongeren) ari ruang bilik Frank ke ngembuan pangkat tinggi,[2] dipelaba anak laki Sigramnus, Pendeta Hesbaye, enggau Landrada, anak indu Lambert II, Pendeta Hesbaye. Landrada nya menyadi indu Rotrude ari Hesbaye, bini keterubah Charles Martel.

Iya belajar dulu ba monasteri Saint-Trond,[3] siti ari monasteri ke pemadu tuai sereta bekuasa di Menua Rendah, lalu udah nya ba sekula katedral Metz. Ba istana Charles Martel, nyadi referendari iya, udah nya nyadi chanselor, lalu dalam taun 737 nyadi menteri besai. Bisi maya pengudah taun 742, iya dipadu nganti Sigibald nyadi Bishop Metz, seraya ke agi ngetanka pengawa sivil iya.

Dalam taun 753 iya betemu sereta ngiring Pope Stephen II lebuh pontif nya nemuai ngagai Peranchis minta tulung ngelaban penyerang Lombard.[4] Lebuh nyadi pengari apostolik ngagai perintah Frankish, iya bisi kaul terus enggau penyiri Pepin nyadi raja dalam taun 754 lalu udah nya alah raja Longbard iya nya Aistulf. Iya nyempulang paus ngagai Ponthieu.

Pengudah pemidang Sante Boniface, Pous Stephen meri pallium ngagai Sante Chrodegang (754–755), lalu enggau nya iya nyadi bishop besai, tang enda ngangkatka Panggau Metz. Dalam taun 762, maya iya sakit bebadi, iya ngepunka entara bala paderi iya siti gerempung ti besampi ti dikelala enggau nama Liga Attigny. Chrodegang landik bejaku Latin enggau jaku asal Jerman Tinggi Lama ke dulu suba. Iya midang ba Metz kena 6 Mac 766 lalu dipendam ba Gorze Abbey, palan shrain besai iya.

Reformasyen

[edit | edit bunsu]

Nitihka penemu MA Claussen, "Pengawa Chrodegang nyadika pelasar pengangkat rohani Carolingian ujung abad kelapan enggau kesembilan."[5] Dalam taun 748 iya numbuhka Biara Gorze (semak Metz). Iya mega numbuhka Biara St.Peter ba Moselle, lalu mayuh pengawa ke biara Gengenbach enggau Lorsch. Ungkup ke penudi iya dipadahka bulih relik Sante Nazarius, lalu ungkup Gorze bulih relik Sante Gorgonius. Dalam diosis iya iya meri kelala Liturgi Roman enggau chant muzikal, lalu mega ngemayuhka pengidup komuniti ungkup kanon katedral iya.

Perintah Chrodegang

[edit | edit bunsu]

Urung taun 755, iya nulis atur spesyel ke sida, iya nya Regula Canonicorum, ke udah nya dikelala enggau nama ‘Atur Chrodegang’.[6] Atur nya ngundan tiga puluh empat bab, bepelasarka Atur St. Benedict. Tuju iya, taja pia, keterubah iya pastoral: dikena meransang sukung pangan diri ari sesebengkah komuniti baka ke ditemu dalam kandang endur monasteri, seraya ngelala tanggungpengawa ti bebida amat ari kanon ti gawa ke utai ti diguna rohani orang ti arap.[7] Chrodegang tentu ngalihka atur Benedictine, kelebih agi bekaul enggau ciri hospitaliti monasteri, enggau ngintu orang ke sakit laban nadai rumah temuai tauka hospis ba katedral.[8]

Atur nya mayuh dikerembaika lalu meri pengering ti beguna ngagai pengawa ngerembaika pengidup komuniti ba raban paderi sekular. Dalam taun 816, atur tu dipasukka sebagi ari Institut kanonik Aquisgranensis ti ditumbuhka Kaunsil Aachen.[9] Ba kurun kesebelas enggau kedua belas, Perintah Chrodegang berinsur diganti enggau atur ke tebilang agi bepelasarka Augustine.[10]

Dipelaba bisi peluang Perintah Chrodegang dibai bala paderi Ireland ngagai menua asal sida ari biara-biara timur laut Gaul, lalu bala anchorites Ireland ke asal iya enda ditanchang atur biara nya ngikat diri enggau atur nya. Atur Céli Dé, ti disimpan dalam Leabhar Breac, lalu udah dikaulka enggau Máel Ruain, disangka ditulis dalam abad ke-9 ulih siku ari komuniti iya.[11] Atur nya "...lebih agi kanonik ari atur monasteri, lalu sebaka enggau Regula Canonicorum Chrodegang ari Metz."[12]

Dalam kandang kurun ke-9 bisi disebut pasal semilan endur ba Ireland (nyengkaum Armagh, Clonmacnoise, Clones, Devenish enggau Sligo) ke alai komuniti Culdees ditumbuhka nyadi sebansa malin ngagai institusyen monasteri tetap. Sida baka ke kelebih agi bisi ngintu orang ke seranta enggau orang ke sakit, lalu bisi minat ba bagi muzik sembiang.

Peda mega

[edit | edit bunsu]
  • Benedikt ari Aniane
  • Máel Ruain -atur iya ungkup raban Kulde
  • Wulfred -ba pengawa ngubah baru kanon ba Katedral Canterbury .

Nota

[edit | edit bunsu]
  1. ↑ Sepil nama iya dalam bunsu primari (Latin) nya mayuh macham: Chrodegangus, Grodegandus, Grodegangus, Grodogangus, Chrodogandus, Krodegandus, Chrodegrangus, Chrotgangus, Ruotgangus, Droctegangus, Chrodegand, enggau Sirigangus. Dalam Jaku English nama iya mega disepil Godegrand, Gundigran, Ratgang, Rodigang, enggau Sirigang.

Penyanding

[edit | edit bunsu]
  1. ↑ Arduino, Fabio. "San Crodegando di Metz", Santi e Beati, March 8, 2007
  2. ↑ Mershman, Francis. "St. Chrodegang." The Catholic Encyclopedia Vol. 3. New York: Robert Appleton Company, 1908. 27 October 2017
  3. ↑ Butler, Alban. The Lives of the Saints. vol. III, 1866
  4. ↑ Monks of Ramsgate. “Chrodegang”. Book of Saints, 1921. CatholicSaints.Info. 6 October 2012
  5. ↑ Claussen, M.A., The Reform of the Frankish Church: Chrodegang of Metz and the Regula Canonicorum in the Eighth Century, Cambridge University Press, 2004, ISBN 9780521839310, p. 4
  6. ↑ Drout, Michael D. C. “Re-Dating the Old English Translation of the Enlarged Rule of Chrodegang: The Evidence of the Prose Style.” The Journal of English and Germanic Philology, vol. 103, no. 3, 2004, pp. 341–368. JSTOR
  7. ↑ Claussen, M.A., Review of Bertram, Jerome. The Chrodegang Rules: The Rules for the Common Life of the Secular Clergy from the Eighth and Ninth Centuries. Critical Texts with Translations and Commentary. Church, Faith and Culture in the Medieval West. Aldershot and Burlington, VT: Ashgate, 2005. Pp. 304. $99.95. ISBN 0-7546-5251-3 in The Medieval Review, June 8, 2016
  8. ↑ Szarmach, Paul E., "Chrodegang", Routledge Revivals: Medieval England (1998), (Paul E. Szarmach, M. Teresa Tavormina, Joel T. Rosenthal, eds.), Taylor & Francis, 2017, ISBN 9781351666374
  9. ↑ Langefeld, Brigitte. "The Rule of Chrodegang and Archbishop Wulfred's reforms at Canterbury", Anglo-Saxon England, vol.25, (Michael Lapidge, Malcolm Godden, Simon Keynes, eds.), Cambridge University Press, 1997, ISBN 9780521571470
  10. ↑ Claussen, M. A. The Reform of the Frankish Church: Chrodegang of Metz and the Regula Canonicorum in the Eighth Century. Cambridge: Cambridge University Press, 2004. p. 18 ISBN 0-521-83931-9
  11. ↑ Byrnes, "Máel-Ruain." In Medieval Ireland. Encyclopedia (2005). pp. 308-9.
  12. ↑ Gammack, James. "Maelruain", A Dictionary of Christian Biography, (William Smith and Henry Wace, eds.), London, John Murray, 1882

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Chrodegang&oldid=11400"