Christina Aguilera

Christina Aguilera
Aguilera performing on the Liberation Tour in 2018
Ada	Christina María Aguilera (1980-12-18) Disember 18, 1980 Nengeri New York, New York, A.S.
Pengawa	Penanyi penulis lagu produser rikut pelakun personaliti televisyen produser televisyen petanda model
Taun aktif	1993–diatu
Kaling	Jordan Bratman (j. 2005; s. 2011)
Pangan	Matthew Rutler (2010–diatu; tunang)
Anak	2
Pengawa musik
Genre	R&B pop soul hip hop dance Latin
Kereban musik	Vokal
Label	RCA
Lambar web	christinaaguilera.com

Christina María Aguilera (ada 18 Disember 1980) iya nya siku penanyi, penulis lagu, pengeluar rekod, pelakun enggau penari Amerika. Aguilera dikelala enggau nyawa iya ti tegap, ti ulih manggai ba not ti tinggi, sereta ngubah gaya iya sepemanjai karier iya. Iya suah dikumbai "Suara Rebak" lalu indah diberi gela Legenda Disney ketegal pengawa iya enggau The Walt Disney Company.

Aguilera keterubah iya ayan di The All New Mickey Mouse Club dalam 1990-an, sereta belaguka "Reflection" ungkup filem Mulan ba 1998. Iya nyadi tebilang ba taun 1999 enggau album debut iya, ke bisi tiga iti lagu penuduk atas A.S. – "Genie in a Bottle", "What a Girl Wants", enggau "Come on Over Baby (All I Want is You)". Deka nukar imej anembiak iya, iya ngeluarka Stripped in 2002, ti nyadi siti ari album ti pemadu laku ba taun 2000-an. Iya udah nya ngeluarka Back to Basics ba taun 2006, ke dipuji bala kritik. Sekeda lagu hit iya sekumbang tu nyengkaum "Lady Marmalade", "Dirrty", "Beautiful", enggau "Ain't No Other Man".

Ba pun taun 2010-an, Aguilera gawa ba lagu popular baka "Moves like Jagger", "Feel This Moment" enggau "Say Something" enggau keterubah ari tu manggai ba lumur satu. Iya mega kala belakun ba filem Burlesque (2010). Aguilera mega nyadi pelatih dalam The Voice kenyau taun 2011 nyentuk ke 2016, belakun mega dalam filem ke bukai, sereta begawa enggau Program Pemakai Sedunya deka ngemunaska lapar pungkang.

Christina udah nyual lebih 100 juta iti rikut, lalu nyadika iya siku ari artis muzik ke pemadu laku. Iya dianggap siku ari penyanyi pemadu nyulut sepanjai maya lalu dipilih nyadi siku ari orang ke pemadu bepengaruh di dunya dalam taun 2013. Anugerah iya nyengkaum lima Anugerah Grammy, dua Anugerah Grammy Latin, sereta bintang ba Hollywood Walk of Fame. Iya mega dikelala ketegal ngelakuka muzik Latin ba pun taun 2000-an.