Bup Pemansut

Bup Pemansut (dalam jaku Gerika Kelia: Ἔξοδος, rumi: Éxodos; Hebrew Bup Kudus: שְׁמוֹת Šəmōṯ, 'Nama'; Latin: Liber Exodus) nya bup kedua dalam Bup Kudus.

Bup tu sitak keterubah jerita Pemansut, jerita asal penatai bansa Israel, ke alai sida ningkalka diri ari nyadi ulun di Ejip nengah pengering Allah Taala, ke milih sida nyadi orang iya. Bansa Israel lalu bejalai enggau nabi Moses ngagai Bukit Sinai, ke alai Allah Taala meri sida Ukum Moses lalu tama ngagai sempekat enggau sida sereta purih sida. Allah Taala besemaya nyadika sida "bansa kudus, sereta perintah paderi" enggau syarat sida tetap ati. Iya meri sida adat enggau atur kena ngaga Tabernakel, ke alai iya deka datai ari serega lalu diau enggau sida lalu nguluka sida dalam perang kudus kena ngalahka Menua Kanaan. ("Menua ti Udah Disemaya"), ti bisi tadi, nitihka Bup Pemungkal, udah disemaya ngagai purih Abraham, apai bansa Israel.

Bup tu dikumbai udah dikarang Moses kediri, lalu penempa bup Pentateuch, nyengkaum Bup Pemansut, ditumbuhka ari abad kelima nyentuk ngagai abad keempat sebedau pengada Kristus. Pakar moden meda komposisi keterubah iya nyadi gawa ari penaban Babilonia (6th century BCE), bepelasarka sumber betulis enggau tradisyen lisan ke dulu agi, enggau pengawa ngubah kepenudi ba kandang maya pengudah penaban di Babilonia (kurun ke-5 SK). Pakar Bup Kudus Carol Meyers, dalam komen iya pasal Pemansut, nunjukka iya tau dikumbai bup ti pemadu beguna dalam Bup Kudus, laban iya mantaika fitur ti netapka identiti Israel—pengingat pasal pengidup ti udah ti ditanda enggau penusah sereta ngelarika diri, sempekat ti ngikat enggau Petara sida, ti milih Israel, enggau penumbuh pengidup komuniti ti nyukung iya.

Pekara ti dipesetuju bala pakar kemaya hari tu iya nya, Pentateuch nadai meri penerang ti betul pasal asal penatai orang Israel, ti dipeda nganti nya nyadi siti entiti ba tanah tinggi tengah menua Kanaan ba ujung milenium kedua S.K. (urung maya pengeruntuh Ujung Jeman Engkeraju) ari adat asal bansa Kanaan.