Bukit Singai
| Bukit Singai | |
|---|---|
| Titik ke pemadu tinggi | |
| Peninggi | 562 m (1,844 ka)[1] |
| Prominence | 511 m (1,677 ka) |
| Isolation | 8 km (5.0 bt) |
| Listing | |
| Coordinates | 1°30′17″N 110°09′55″E / 1.5047530466295636°N 110.16541098462402°E |
| Naming | |
| Native name | Dorod Singai (Bidayuh Bau) |
| Geography | |
| Menua |  Malaysia |
| State |  Sarawak |
| Bagi Menua | Kuching |
| District | Bau |
Bukit Singai nya siti bukit ke bepalan ba Pelilih Menua Bau, Bagi Menua Kuching, Sarawak. Bukit tu bepenyauh 25km ari barat daya nengeri Kuching.
Sejarah
[edit | edit bunsu]Jerita tuai madahka orang Bidayuh Singai tau mega dikumbai Bisingai udah ngentapka pendiau ba Bukit Singai ba pun taun 1800-an.[2] Raban bansa Bisingai diau ba lapan iti genturung pendiau ba lereng bukit Singai. Mayuh orang diau ba rumah panjai dia, lalu tiap iti rumah panjai ngundan tuai adat kediri.[3]
Ba taun 1885, Felix Westerwoudt, siku paderi Roman Katolik ari Belanda numbuhka gerija misi ba siti rumah panjai di Bukit Singai.[4] Pengudah mayuh orang tama pengarap Kristian, sida mayuh mindah ngagai pangkal bukit lalu ngentapka pendiau dia.[3] Nya alai, Bukit Singai dikumbai endur ada pengarap Kristian urung orang Bidayuh.[4]
Tanda menua
[edit | edit bunsu]Palan Ngusung Pengingat Katolik Singai
[edit | edit bunsu]Kena 12 Julai 1981, lebuh pengerami Gerija Katolik ba Sarawak ke-100, pengerami tikas parish diintu ba endur misi Bukit Singai.[4] Pekara tu disadang siku paderi Austria, Josef Schmolzer ke dikumbai nyadi pemungkal penumbuh Palan Ngusung Pengingat Katolik Singai.[5] Palan tu digaga enggau chara beduruk lalu diberekat Bishop Besai Chung kena 21 November 1999.[6] Maya program Jubli 2000, palan tu diungkupka ngagai Kristus Raja.[6][5]
Dalam palan tu, bisi Jalai Regang ke bepun ari pungkal bukit lalu tiap iti stesyen ditanda enggau regang kayu.[4][7]
Patung Kristus Raja
[edit | edit bunsu]
Patung tu didirika ba pintu penama Bukit Singai, nyadi lambang pengarap ikonik ungkup orang Kristian ba Sarawak.[8] Patung tu udah diberekat Bishop Besai Simon Poh ba Misa kena 1 Januari 2024.[9]
Biodiversiti
[edit | edit bunsu]Pansik digaga Universiti Malaysia Sarawak (UNIMAS) udah nemuka pemadu mimit 30 bansa amfibia enggau 19 bansa reptilia.[10] Bukit tu mega ngundan 1,178 bansa utai tumbuh ti begulai enggau 69 ruang bilik, 123 genera, enggau urung 200 spesies.[11] Ruang bilik ‘lumut spike’ (Selaginellaceae - 16.6 peratus) nguasa kandang endur tu lalu ruang bilik Begoniaceae (8.2 peratus) enggau ‘Kayu Candlenut’ tauka ‘Indian Walnut’ (Euphorbiaceae - 6.4 peratus) jauh ba penuduk lumur dua enggau ketiga. Utai tumbuh tu nyengkaum pun buah, pakis, herba ubat, semak, sawit, buluh, enggau epifit.[12]
Ari 1,178 bansa utai tumbuh ditembu ba bukit tu, sepenyampau 254 kayu buah ari 12 ruang bilik ke bebida dirikut. Mayuh kayu buah tu ditemu ba kaki bukit sereta endur rumah panjai ke udah ditinggalka. Ke pemadu suah dipeda iya nya lensat (Lansium domesticum) lalu ditangkan enggau rian (Durio zibethinus), tampoi (Baccaurea macrocarpa), sikup (Garcinia mangostana) enggau rambai (Baccaurea motleyana).[13]
Kereban sanding
[edit | edit bunsu]- ↑ "Gunung Singai". Peak Visor.
- ↑ Rintos Mail (13 Mac 2016). "Stairway up a sacred mountain". The Borneo Post.
- ↑ 3.0 3.1 Lindell, Pamela N. (Disember 2000). Religion, Architecture, and Change among the Bisingai of Sarawak. University of Nevada (Doctor of Philosophy thesis).
- ↑ 4.0 4.1 4.2 4.3 Rintos Mail (13 Mac 2016). "Spiritual ascent: Exploring the 14 Station of the Cross on Mount Singai". Dayak Daily.
- ↑ 5.0 5.1 "Priest behind CMPC feted to farewell lunch". The Borneo Post. 18 Jun 2015.
- ↑ 6.0 6.1 Samuel Aubrey (4 September 2023). "Catholic Memorial Pilgrimage Centre, Mount Singai receives Unifor grant". The Borneo Post.
- ↑ Joanna Yap (20 April 2014). "Pilgrims flock to Singai's holy mount during Lent" (in Inggeris). The Borneo Post.
- ↑ "Christ Is King Statue ngelalu temuai ke Bukit Singai". Suara Sarawak. 26 Disember 2023.
- ↑ "Mt Singai's Christ the King statue exemplifies inculturation" (in Inggeris). Herald Malaysia. 26 Disember 2023.
- ↑ "Ecologically, socially valuable Mt Singai" (in Inggeris). The Borneo Post. 23 Mei 2012.
- ↑ Sayok, Alex K. (2015). "Understory Plants in Mount Singai, Sarawak, Malaysia" (PDF). ResearchGate. Retrieved 2025-05-05.
- ↑ "The beautiful Mount Singai rich with incredible biodiversity" (in Inggeris). Dayak Daily. 23 Jun 2023.
- ↑ Sayok, Alex K. (2015). "Distribution of Fruit Trees at Different Elevations at Mount Singai, Bau, Sarawak, Malaysia" (PDF). ResearchGate. Retrieved 2025-05-05.