Bujar (matematik)

Dalam matematik, bujar tu tusun simbol nitihka kovensyen notasyen matematik besinteks nitihka konteks. Simbol ulih ngarika lumur, variabel, operasyen, sereta fungsyen.^[1] Simbol ke bukai nyengkaum tanda bacha sereta kurung, dikena dalam ngeraban ke alai nadai atur operasyen.

Bujar ti suah dibida ari formula: Bujar suah nandaka objek matematik, ke alai formula nya pemadah pasal objek matematik.^[2] Tu sebaka enggau jaku natural, ke alai frasa nama nunjukka objek, lalu selampur ayat nunjukka fakta. Ngambika chunto, kededua $8x-5$ sereta $3$ nya bujar, seraya pengenda sama $8x-5\geq 3$ tu fomula. Taja pia, formula suah dianggap ke ulih dibandih ngagai nilai Boolean bendar tauka salah.

Bujar ulih digiga nilai tauka dipemuntang nengah chara nganti operasyen ke ayan dalam sida enggau asil sida. Ngambika chunto, bujar $8\times 2-5$ ulih dipemuntang ngagai $16-5$ , lalu diberi nilai $11.$

Bujar ulih dikena meri definisyen fungsyen, nengah chara ngambi variabel nyadi chakah, tauka input fungsyen nya, enggau ngagihka pemansut nyadi penilai bujar ti diasilka.^[3] Ngambika chunto, $x\mapsto x^{2}+1$ and $f(x)=x^{2}+1$ nerangka fungsi ti ngaitka ngagai tiap-tiap lumur kuasa dua iya ditambah enggau satu. Bujar ti nadai variabel suah dikumbai fungsyen pemalar. Suah iya, dua bujar dikumbai sama lebuh definisyen sida fungsyen ti sama. Penyemaka nya dikumbai "penyemaka semantik", ke alai, kededua bujar "mai reti pekara ke sama."

Kereban sanding

↑ Oxford English Dictionary, s.v. “Expression (n.), sense II.7,” "A group of symbols which together represent a numeric, algebraic, or other mathematical quantity or function."
↑ Stoll, Robert R. (1963). Set Theory and Logic. San Francisco, CA: Dover Publications. ISBN 978-0-486-63829-4.
↑ Codd, Edgar Frank (June 1970). "A Relational Model of Data for Large Shared Data Banks" (PDF). Communications of the ACM. 13 (6): 377–387. doi:10.1145/362384.362685. S2CID 207549016. Archived (PDF) from the original on 2004-09-08. Retrieved 2020-04-29.

[1] Oxford English Dictionary, s.v. “Expression (n.), sense II.7,” "A group of symbols which together represent a numeric, algebraic, or other mathematical quantity or function."

[2] Stoll, Robert R. (1963). Set Theory and Logic. San Francisco, CA: Dover Publications. ISBN 978-0-486-63829-4.

[Codd1970-3] Codd, Edgar Frank (June 1970). "A Relational Model of Data for Large Shared Data Banks" (PDF). Communications of the ACM. 13 (6): 377–387. doi:10.1145/362384.362685. S2CID 207549016. Archived (PDF) from the original on 2004-09-08. Retrieved 2020-04-29.

[1]

[2]

[3]