Baya ai masin
| Baya Katak | |
|---|---|
.jpg)
| |
| Klasifikasyen saintifik | |
| Kingdom: | [Jelu]
|
| Phylum: | |
| Class: | |
| Order: | |
| Family: | [Baya]
|
| Subfamily: | |
| Genus: | |
| Species: | C. porosus
|
| Nama binomial | |
| Crocodylus porosus | |
| |
| Julat buaya tembaga dalam warna hitam | |
Baya ai masin (Crocodylus porosus), tauka dikelala enggau nama baya lubuk tauka baya katak, iya nya reptilia ti pemadu besai, lalu suah dikumbai pemadu bebahaya ngagai mensia. Iya ditemu ba mayuh macham endur di Asia Tenggara enggau utara Australasia . Baya ai masin ditemu ba utara Australia nyadi " salties ".
Pemakai
[edit | edit bunsu]Baya tembaga tu jelu ti ulih ngambi jelu ti besai baka kerebau, ba ai tauka ba darat. Baya ti agi biak deka makai jelu ti mit agi baka ukui, amfibia, krustasia, reptilia mit enggau ikan . Besai agi baya, mayuh macham agi utai ke dibunuh iya. Taja pan jelu ke ditangkap iya mit, tang iya agi nyadi sebagi besai ari pemakai buaya ke udah besai. Baya tembaga tu ulih makai kera, babi kampung, dingo, jelu tupi, kerebau, baya enggau sekali-sekala mensia. Selalu iya balat lesu – siti ulah ti nulung iya idup bebulan-bulan nadai pemakai – iya selalu bejalai semak ai tauka bejembi ba mata panas maya siang hari, lalu selalu iya suah ngasu maya malam hari. Iya, taja pia, ulih mindah enggau pengelaju ti ngalitka ati lebuh maya ti patut, baya ulih datai ba penyauh nyentuk ngagai 10 m ari endur bediri lalu jampat agi ari kuda lumba, kelebih agi ari tebing sungai, ke alai kededua kaki enggau iku dikena ungkup penggerak.
Nyadi jelu ti nyerang, iya selalu nganti jelu ti deka dibunuh iya semak enggau tebing sebedau nyerang enggau nadai jaku tangkan lalu enggau pengering iya narit jelu nya ke dalam ai endur iya selalu lemas (enti bisi lebih ari siku baya, jelu ti deka dibunuh iya tau dipechahka). Iya jelu ti balat kering, ngembuan pengering ti ulih mechahka kaki jelu ti besai ngena sekali aja ngelap iku iya, ulih narit kerebau ti udah besai ngagai sungai, tauka ngeredakka pala chapi ti udah besai ngena rekung iya. Serang iya ti pemadu bebahaya, dikelala enggau nama "Death Roll," ke alai iya ngerampas mangsa iya lalu mutar-mutar enggau ganas, selalu iya patah rekung tauka ngerusak tubuh iya. Ba siti kes di Australia Utara dalam taun 1939, siku lelaki Suffolk ke berat lebih ari 1 tan (2,205 lb) dibunuh, dipeda kurang ari 1 minit, ulih baya ke besai.
Pemesai
[edit | edit bunsu]Baya tembaga ke udah besai biasa iya ngembuan pemesai entara 4.8 meter enggau 5 meter (15.4 enggau 16.6 kaki) pemanjai, pemerat urung 770 kilogram (1697 lb). Baya ke besai ulih manggai lebih ari 6 meter (20 kaki) tauka 7 meter (23 kaki) pemanjai lalu berat lebih ari 1,500 kg (3707 lb). Ke bendar iya, bansa tu ulih mansang nyentuk ngagai 8 meter (27 kaki) tauka nyentuk ngagai 9 meter (30 kaki). [1] enggau . Baya indu selalu iya mit agi ari lelaki, selalu iya dalam kandang 2.5–3 meter. Siku ari baya ke pemadu besai ke dirikod iya nya 8 meter 64 cm (28 kaki 4 inci) lalu ditimbak Krystina Pawloski (seiku pengajar sekula, udah nya nyadi orang ke rinduka rampa menua) ba Sungai Norman di utara Queensland, Australia dalam taun 1957. Dipadahka baya tembaga nya kering baka buaya ke udah besai. Kulit sida ti betulang nya kering baka batu.
Endur diau, kandang endur enggau etimologi
[edit | edit bunsu]
Baya tembaga selalu iya ngabiska musim ujan tropika ba sungai enggau paya ai tawas, pulai ke ulu enggau ili ngagai muara ai maya musim kemarau, lalu kekadang mindah jauh ke tasik. Baya beperang enggau balat deka ngetanka kandang menua, enggau lelaki ke kering agi selalu iya nguan anak sungai enggau salur ke pemadu manah. Enggau nya, baya ke agi biak dipejal tama ngagai sistem sungai ke mit agi tauka kekadang tama ngagai tasik. Tu nerangka kebuah baya tembaga tu mayuh dibiah ari tebing tasik barat India nyentuk ke utara Australia lalu pia mega kebuah iya kekadang ditemu ba kandang endur ti eksotik baka Tasik Jepun. Pengelaju baya tembaga ba baruh ai ulih manggai nyentuk ngagai 12 ngagai 15 batu sejam ungkup penyauh ti enda jauh, tang ulih bejalai 2 ngagai 3 batu.
Jelu tu dikumbai baya nanga laban iya selalu diau beraban-raban lalu nganti pemakai ba nanga tauka endur sungai siti betemu enggau sungai bukai. Baya deka semak enggau tebing sungai maya ai pasang besai. Baya tu selalu iya pansut ari sarang iya maya lemai nyentuk ke malam ngiga pemakai. Iya mega dikumbai baya temaga laban iya ulih terejun pansut ari ai nyerang pemakai iya sekalika ba pun kayu, jeti, tebing enggau kapal. Indah lebuh penalam ai ngelui ari pemanjai tubuh iya, baya nanga ulih terejun enggau chara manggai ba peninggi ti sama enggau pemanjai tubuh iya.
Iya dikumbai baya temaga laban iya beranak maya musin ujan (November - March) lebuh ai sungai ba nanga nyadi keruh amat baka chura temaga lalu ngaga sarang ti digaga ari utai tumbuh enggau gumpal tanah. Selalu iya 50 igi telu lalu inkubasyen iya entara 65-110 hari. Indu baya selalu iya nya orang ke nyaga sarang enggau bejaga lalu tu ngasuh baya ngelamun telu ba lubang ke pemadu semak. Pengangat penetas nentuka gender telu buaya. Ba tikas pengangat ti tinggi tauka baruh amat, indu baya deka netas, lalu tikas pengangat ari 31-32 darjah Celsius deka netaska telu baya lelaki. Dipelabaka semina seperempat ari telu ke disimpan nya deka netas. Kebuah pia laban dikeruga mayuh macham jelu ke rindu makai telu nya baka ular, baya, achang enggau ke bukai.
Pemintar
[edit | edit bunsu]Dr. Adam Britton, seiku pemansik enggau Pengurusan Jelu Siga Antarabansa, udah mansik pemintar baya. Lebuh iya ngereja nya, iya ngumpul munyi baya tembaga Australia, lalu ngaga kaul enggau ulah baya tembaga. Penemu iya nya, taja pan untak buaya mit agi ari mamalia (semimit 0.05% ungkup buaya tembaga), sida ulih belajarka pengawa enggau mimit aja pengkondisian . Iya mega meri penemu ti madahka bunyi buaya ngembuan potensial ti besai agi ngagai penusah ari ti diterima diatu. Iya melabaka, baya tembaga engka reptilia ti pemadu pintar ba dunya. [ sitasi ti diguna ]
Rujukan
[edit | edit bunsu]http://photos1.blogger.com/blogger/7194/799/1600/Crocodile-shark.jpg
- "Crocodylus Porosus". Senarai Merah Spesies Terancam IUCN. 1996
Kereban luar
[edit | edit bunsu]- (Inggeris) Recent Crocodile Attacks in Australia Diarkibkan 2006-06-23 di Wayback Machine
- (Inggeris) Crocodylus porosus (Schneider, 1801) Diarkibkan 2006-01-08 di Wayback Machine, by Adam Britton from the Crocodilian Species List.
- (Inggeris) Saltwater crocodile calls from Dr. Britton's crocodilians.com site
- (Inggeris) Brief discussion Diarkibkan 2011-11-20 di Wayback Machine from Dr. Britton and others discussing dromaeosaurid intelligence