Blank Space
| "Blank Space" | ||||
|---|---|---|---|---|
| Single ari Taylor Swift | ||||
| ari album 1989 | ||||
| Dipansutka | November 10, 2014 | |||
| Studio | ||||
| Genre | Electropop | |||
| Pengelama | 3:52 | |||
| Label | Big Machine | |||
| Penulis lagu |
| |||
| Producer |
| |||
| Kronologi single Taylor Swift | ||||
| ||||
| Video muzik | ||||
| "Blank Space" ba YouTube | ||||
"Blank Space" iya nya lagu ari penyanyi-penulis lagu Amerika Taylor Swift enggau single kedua ari album studio kelima iya, 1989 (2014). Swift nulis lagu tu enggau pengeluar iya, Max Martin enggau Shellback. Diinspirasyen ari pengawa meresa media ba pengidup pengerindu Swift ti ngeruga nama iya ti nyadi indu dara sebelah pintu, "Blank Space" ngayanka siku indu ti emperinyai enggau mayuh macham pengerindu romantik. Iya nya lagu elektropop enggau atur ti minimum ti mungkur sintetiser, rentak ti dipengaruhka hip-hop, enggau vokal ti belapis.
Big Machine bekerejasama enggau Republic Records ngeluarka lagu lagu “Blank Space” ngagai radio US kena 10 November 2014. Siti ari lagu tunggal ti pemadu laku ba taun 2015, iya ba penuduk lumur satu ba carta di Australia, Kanada, Iceland, Skotland, enggau Afrika Selatan. Ba Amerika Serikat, iya udah tujuh minggu ba penuduk ke pemadu atas Billboard Hot 100 lalu diberi setipikit lapan kali platinum ari Gerempung Industri Rekod Amerika (RIAA). Bala kritik muzik muji pengawa ngaga lagu enggau pengawa nulis lagu Swift; bisi sekeda milih nya nyadika highlight album 1989. Lagu tu bulih tiga nominasyen ba Anugerah Grammy ke-58, nyengkaum dua kategori rama: Rikut Taun enggau Lagu Taun. Rolling Stone ngengkahka iya ba lumur 320 ba revisyen sida 2024 ba 500 Lagu Pemadu Besai Sepanjai Maya.
Joseph Kahn ngarahka video muzik ungkup "Blank Space", ti ngayanka Swift nyadi siku indu ti chemuru ti ngereja pengawa ti enda beradat lebuh iya nyangka pangan lelaki iya enda tetap ati. Video tu menang Video Pop Pemadu Manah enggau Video Indu Pemadu Manah ba Anugerah Muzik Video MTV 2015, lalu iya ba penuduk lumur 67 ba 100 Video Muzik Pemadu Manah Sepanjai Maya Rolling Stone ba taun 2021. Swift nyengkaum "Blank" dalam lis set ungkup tiga iti pejalai dunya iya (1989 World Tour (2015), Reputation Stadium Tour (2018), enggau Eras Tour (2023-2024). Lagu tu dicover beberapa iku pemuzik rock. Berindik ari penyarut taun 2019 bekaul enggau pengempu katalog belakang Swift, iya ngerikut baru lagu nya nyadi "Blank Space (Taylor's Version)" ungkup album iya ti dirikut baru taun 2023 1989 (Taylor's Version).