Biar Bekikis Bulu Betis
| "Biar Bekikis Bulu Betis" | |
|---|---|
| Single ari Andrewson Ngalai | |
| Dipansutka | 2003 |
| Penulis lagu |
|
| Producer | ANP Music Production |
Biar Bekikis Bulu Betis nya siti lagu ari Andrewson Ngalai ti dikeluarka kena taun 2003. Lagu tu tebilang di serata Sarawak sereta sekeda endur di Kalimantan Barat.[1]
Pemerindang
[edit | edit bunsu]Lagu tu kala diperindang dalam pengawa besai baka ba Kembara Borneo 2023 ari Yang Dipertuan Agong ke-16, dalam pengawa bebaris Hari Meredeka 2024 di Dataran Putrajaya, dalam Lumba Malaysia 2024 (SUKMA).[2] Lagu tu mega dilaguka Dayang Nurfaizah ba Aum Kunsil Komuniti Sosio-Budaya ASEAN ke-33 di Kuching ba taun 2025.[3]
Isu hak gaga
[edit | edit bunsu]Kena 3 Me 2024, penanyi sereta penengkebang lagu tu, Andrewson Ngalai udah ngaga riput polis ba Balai Polis Stapang bekaul dua kompeni ke udah ngerikut baru lagu tu sereta video. Kompeni-kompeni tu dipadahka nadai pemendar ari iya deka ngerikut baru lagu tu.[4]
Dua kompeni ti diriputka tadi iya nya XIBO Entertainment enggau BMAS Holdings Sdn Bhd. XIBO Entertainment udah mutarka penanggul tu enggau Andrewson Ngalai lalu sejaku pasal pengaga baru lagu tu. Kompeni tu madahka udah bekuntik enggau siku individu ke madahka diri pengari ari Andrewson Ngalai.[5]
BMAS Holdings Sdn Bhd maya nya ngerikutka baru lagu tu enggau Rickie Andrewson, anak laki Andrewson Ngalai lalu bedau mansutka lagu nya. Rickie madahka iya bisi pemendar ari apai iya deka ngerikut baru lagu tu lalu dipelaba bisi saru bekaul pekara tu.
Kereban sanding
[edit | edit bunsu]- ↑ "Tour To West Kalimantan Indonesia 2022: Kunjungan Dayak Sarawak ke Dewan Adat Dayak Sintang". Senentang News (in Indonesia). Retrieved 2026-05-15.
- ↑ "Lagu Biar Bekikis Bulu Betis bergema di Putrajaya". Harian Metro. 2024-08-31. Retrieved 2026-05-15.
- ↑ "BERNAMA news article 2416091". BERNAMA. Retrieved 2026-05-15.
- ↑ "Andrewson lodges police report against company for re-recording, re-filming iconic 'Bekikis Bulu Betis' without permission". The Borneo Post. 2024-05-04. Retrieved 2026-05-15.
- ↑ "XIBO and Andrewson settle dispute over KMJX's version of 'Bekikis Bulu Betis'". The Borneo Post. 2024-05-10. Retrieved 2026-05-15.