Beranatung

Empat pemandang beranatung Bintang Tiga:

• Atas kiba: Dero beranatung bintang Tiga gaya barok ari atlas bintang Johannes Hevelius Firmamentum Sobiescianum, ngayanka bintang baka ke deka dipeda orang ke meda iya ke malik ke baruh ngagai bola langit imaginari ari luar.
• Atas kanan: Ilustrasyen ari teks astronomi Persia jeman tengah Bup Bintang Tetap.
• Baruh kiba: Kar kontemporari bintang Tiga ari Serakup Astronomi Antarabansa
• Baruh kanan: Gambar langit malam enggau garis ti dilukis

Beranatung nya siti endur ba sfera langit ke alai seraban bintang ke tampak nempa pola tauka garis besai ti diperatika, suah iya ngayanka jelu, subjek mitologi, tauka utai ti nadai nyawa.

Beranatung keterubah dipelabaka ditukuka dalam prasejarah. Orang ngena beranatung deka nusui cherita pasal pengarap, peneleba, utai ti ditempa, enggau mitologi sida. Budaya enggau menua ti bebida ngaga beranatung kediri empu, sekeda ari beranatung nya tan nyentuk ngagai pun abad ke-20 sebedau beranatung kemaya hari tu diaku ba renggat entarabansa. Pengelala beranatung udah jauh berubah nitihka timpuh. Mayuh berubah pemesai tauka tukuh. Bisi sekeda nyadi popular, semina deka labuh ngagai utai ti enda terang. Bisi sekeda nya semina ba siti budaya tauka bansa aja. Pengawa meri nama ngagai beranatung mega nulung bala astronomer enggau pelayar ngelala bintang enggau mudah agi.