Basilika
Dalam arkitektur Rom Kuno, basilika (Jaku Gerika Basiliké) nya sebengkagh begunan rama ti besai enggau mayuh macham guna ti suah digaga ba tisi forum mengeri. Basilika nya ba Latin Barat sebaka enggau stoa ba Gerika Timur. Begunan tu meri nama ngagai tukuh arkitektur basilika.
Keterubah iya, basilika nya sebengkah begunan rama Rom kelia, endur ngatur kort, sereta mega endur ngatur pengawa rasmi enggau mensia mayuh ke bukai. Basilika suah iya nya begunan segi empat tebuka enggau nave tengah ti diapit dua tauka lebih lurung membujur, enggau atap ba dua tingkat, tinggi agi ba tengah atas nave dikena ngaku klerestori lalu baruh agi atas tisi-lurung. Apse ba sepiak ujung, tauka kurang agi ba kededua ujung tauka ba tisi, selalu iya ngundan tribunal ti diangkat ti diuan bala majistret Rom. Basilika tu ba tengah-tengah tiap bengkah nengeri Rom, selalu iya besepiak enggau forum lalu suah betentang enggau kuil ba forum jeman empayar.[1] Basilika mega digaga ba endur diau peribit enggau istana empayar lalu dikelala enggau nama "basilika istana".
Ba ujung jeman kelia, begunan gerija biasa iya digaga sekalika nyadi martiria, tauka enggau pelin arkitektur basilika. Sekeda basilika Kristian ti besai digaga maya perintah Konstantin Besai ke penudi. Dalam timpuh pengudah Nikea, basilika nyadi model standard ungkup ruang Kristian ungkup sembiang eklisia di serata Mediterranean enggau Eropah. Ari pun abad ke-4, basilika Kristian, begulai enggau katakomb ke bekaul enggau iya, dikena numbak orang ke udah mati.
Enggau chara ngerembaika agi, nama nya udah nya dikena ngagai gerija Kristian ti ngena pelin pelasar ti sama. Iya terus dikena dalam reti arkitektur dikena nerangka begunan segi empat tebuka enggau nave tengah enggau lurung, lalu selalu iya pelasar ti diangkat ba ujung ti betentang enggau pintu. Ba Eropah enggau Amerika, basilika mengkang nyadi gaya arkitektur ke pemadu suah dikena ba gerija semua denominasyen Kristian, taja pan pelin begunan tu udah kurang dominan ba begunan ke digaga kenyau ari ujung abad ke-20.
Gerija Katolik udah datai ngena leka jaku nya dikena madahka gerija-gerija iya kelebih agi ti besejarah, enggau nadai nyebut pasal tukuh arkitektur.
Kereban sanding
[edit | edit bunsu]- ↑ Henig, Martin (ed.), A Handbook of Roman Art, Phaidon, p. 55, 1983, ISBN 0714822140; Sear, F. B., "Architecture, 1, a) Religious", section in Diane Favro, et al. "Rome, ancient." Grove Art Online. Oxford Art Online. Oxford University Press. Retrieved 26 March 2016, subscription required