Bansa Batak Karo

Karo people
ᯂᯞᯂ᯳ᯂᯒᯭ
	A newly-married Karonese couple dressed in Karo traditional outfit (2010), the wedding ceremony called as Erdemu Bayu in local Karonese language.
Penyampau tubuh
	1,232,655 (2013)
Kandang endur ti mayuh mensia
	Indonesia (Karo Regency, Medan, Deli Serdang Regency, Langkat Regency)
Jaku
	Karo language, Indonesian
Pengarap
	Predominantly Christianity (Protestantism & Roman Catholicism); Sunni Islam; Buddhism; Pemena and Pebegu;
Raban bansa ke bekaul
	Alas; Kluet; Pakpak people; Simalungun people; Toba people; Malay;

Bansa Batak Karo (tauka Karo) iya nya bansa ke asal ari Tanah Karo di Sumatera Utara, Indonesia. Tanah Karo tu mungkur Kabupaten Karo, ditambah enggau kandang menua ke besemak ba Kabupaten Aceh Timur, Kabupaten Langkat, Kabupaten Dairi, Kabupaten Simalungun, enggau Kabupaten Deli Serdang.^[3] Kelimpah ari nya, mengeri Binjai enggau Medan, ke sama-sama bekunsi garis menua enggau Kabupaten Deli Serdang, ngundan populasyen raban bansa Karo ke signifikan, kelebih agi ba kandang menua Padang Bulan Medan. Mengeri Sibolangit, Kabupaten Deli Serdang ba kaki bukit jalai ari Medan ke Berastagi mega nyadi mengeri Karo ke mai besai reti.

Tanah Karo ngundan dua bukit berapi besai, Gunung Sinabung, ti meletup pengudah 400 taun enda aktif kena 27 Ogos 2010^[4] enggau Gunung Sibayak. Tanah Karo tu mungkur tanah tinggi ti chelap agi sereta tanah rendah atas enggau baruh.

Menua Karo dipegai Belanda dalam taun 1904. Dalam taun 1906, jalai alun nuju tanah tinggi digaga, ngujungka pengawa nyilung orang Karo tanah tinggi. Jalai nya nyambung Medan enggau tanah rendah ngagai Kabanjahe lalu ari nya ngagai kededua Kutacane di Aceh enggau Pematangsiantar di Simalungun. Pengawa nginjil Kristian keterubah iya dipejalaika ba raban bansa Karo dalam taun 1890 ti digaga Gerempung Misionari Belanda. Ketegal ti diperatika bisi kaul enggau kolonialisme Hindia Belanda, semina sekeda raban bansa Karo aja ti tama pengarap baru ba pun lalu semina pengudah Indonesia meredeka dalam taun 1945 baru pengarap Kristian bulih sukung ti signifikan ba raban bansa Karo.^[5]

Ba taun 1911, projek betanam betupi berengkah ba Berastagi, ke diatu nyadi mengeri besai di Tanah Karo, kena nanam sayur Eropah ba endur ke lebih angat. Berastagi kemaya hari tu nyadi bagi menua ke pemadu lantang di Tanah Karo, semina sejam ari Medan, seraya mengeri ke jauh agi ba menua pesisir merinsa ketegal penatai pemisi ke baruh sereta akses ngagai pengawa ngintu pengerai ke mimit.

Kereban sanding

↑ Yulianti H, Olivia (2014), The Study of 'Batak Toba' Tribe Tradition Wedding Ceremony (PDF), Politeknik Negeri Sriwijaya, p. 1, retrieved 2017-03-24
↑ Voice of Nature, Volumes 85-95. Yayasan Indonesia Hijau. 1990. p. 45.
↑ Kushnick, Geoff (2010), Bibliography of Works on the Karo Batak of North Sumatra, Indonesia: Missionary Reports, Anthropological Studies, and Other Writings from 1826 to the Present (PDF) (Version 1.2 ed.), archived from the original (PDF) on 2012-10-08, retrieved 2010-10-09
↑ Zamira Rahim (10 June 2019). "Mount Sinabung: Volcano Eruption Warnings After Huge Column of Ash Prompts Panic in Indonesia". The Independent. Retrieved 2020-06-18.
↑ History of Christianity in Indonesia. pp. 569-584.

[1] Yulianti H, Olivia (2014), The Study of 'Batak Toba' Tribe Tradition Wedding Ceremony (PDF), Politeknik Negeri Sriwijaya, p. 1, retrieved 2017-03-24

[2] Voice of Nature, Volumes 85-95. Yayasan Indonesia Hijau. 1990. p. 45.

[karo1-3] Kushnick, Geoff (2010), Bibliography of Works on the Karo Batak of North Sumatra, Indonesia: Missionary Reports, Anthropological Studies, and Other Writings from 1826 to the Present (PDF) (Version 1.2 ed.), archived from the original (PDF) on 2012-10-08, retrieved 2010-10-09

[4] Zamira Rahim (10 June 2019). "Mount Sinabung: Volcano Eruption Warnings After Huge Column of Ash Prompts Panic in Indonesia". The Independent. Retrieved 2020-06-18.

[5] History of Christianity in Indonesia. pp. 569-584.

[1]

[2]

[3]

[4]

[5]