Pegi ngagai isi

Baguette

Ari Wikipedia
Baguette
Sebakul baguettes
Nama bukaiFrench stick
BansaRuti
PenataiPeranchis[1]
Utai dikenaTepung, chiping, garam
VariasyenBánh mì
Food energy
(per serving)
263 kcal (1101 kJ)
Infomasyen bukaiGlycaemic load 47 (100g)

Baguette (/bæˈɡɛt/) nya bansa ruti ti panjai sereta nipis ti asal ari Peranchis ti suah digaga ari doh ti enda belemak. Kededua tepung enggau dimensi fizikal tradisyen baguette ditukuka undang-undang Peranchis.[2] Iya ulih dibida ari pemanjai enggau kerak iya ti rangup.

Baguettte klasik

Kena bulan Nobember 2018, dokumentasyen ti ngelingi "pengawa enggau budaya" ngaga ruti tu ditambah ngagai Inventori Nasional Pesaka Budaya Ti Enda Bepegai Opis Menteri Budaya Peranchis.[3] Dalam taun 2022, penemu artisanal enggau budaya ruti baguette ditulis ngagai Rintai Pesaka Budaya Ti Enda Bepegai UNESCO.[4]

Sejarah

[edit | edit bunsu]

Mayuh sejarah baguette nya cherita selebubu;[5]  taja pia, sekeda fakta ulih ditetapka. Ruti ti panjai sereta baka tungkat di Peranchis nyadi tebilang agi maya kurun ke-18,[5]: 5  Bala tukang ruti Peranchis berengkah ngena "gruau," tepung Hungari ti digiling tinggi ti amat ditapis ba pun kurun ke-19,[5]: 13  Pengawa ngaga ruti oven wap Vienna diberi kelala August Zang ngagai Paris dalam taun 1839,[5]: 12  pia mega orang Austria Adolf Ignaz Mautner von Markhof nengah chara mai chiping padat dalam taun 1867 ba Penandang Sedunya.[5]: 14   Kepenudi iya, leka jaku “baguette” tampak meri definisyen ngagai sebansa ruti dalam atur kandang menua Seine dalam bulan Ogos 1920: “Baguette, ngembuan pemerat minimum 80 g [2+3⁄4 oz] enggau pemanjai maksimum 40 cm [16 in], enda tau dijual enggau rega ti tinggi agi ari 0.35 francs siti".[6] Nadai siti ari pekara tu nyadika "pengaga baguette," tang begulai sida meri definisyen ngagai "baguette" moden.

Kena nyimpul, "ruti ti dikelala enggau nama baguette keterubah iya ayan dalam tukuh iya ti pemadu primitif dalam kurun kelapan belas, udah nya ngasaika sekeda pengawa ngaluska enggau variasyen sebedau (rasmi) diberi nama nya dalam taun 1920."[5]: 57 

Leka jaku baguette mai reti “tungkat,” tauka “baton,” tauka baka dalam baguette magique (tungkat ajih), baguettes chinoises (bili), tauka baguette de direction (baton konduktor). Keterubah iya dirikut nyadi nama sebansa ruti dalam taun 1920.[7]

Ba luar Peranchis, baguette suah dianggap nyadi lambang budaya Peranchis, tang kaul Peranchis enggau ruti panjai lama dulu ari nya. Ruti ti panjai sereta luas udah digaga kenyau ari jeman Raja Louis XIV, roti ti kurus ti panjai kenyau ari tengan kurun ke-18, lalu ba kurun ke-19, sekeda nya jauh panjai agi ari baguette kemaya hari tu: "... ruti roti enam kaki [1.8 m] panjai ti baka kelbar!"[8]" Bala pengereja pengawa rumah benung beguai-guai pulai ke rumah enggau utai ti dibeli sida ke mayuh macham pemakai pagi Gallik, enggau tungkat ruti ti panjai, seela dua [0.9 m ngagai 1.8 m] pemanjai, dibai ba baruh lengan sida, ngasuh aku berasai nyelai."[9]

Penyambung ti kurang terus ulih digaga ngena dek tauka oven wap. Tu begulaika ketuhar tradisional ti dikena ngena gis enggau ketuhar bata, "dek" ti tebal ari batu tauka bata api ti dipanas ngena gis asal nganti kayu. Oven wap keterubah dibai August Zang ngagai Paris ba pun kurun ke-19, ke mega meri kelala ruti Vienna (pain viennois) enggau croissant, lalu sekeda sumber Peranchis enggau nya dikumbai orang ke ngaga baguette.[10]

Oven dek dipanas ngagai lebih 200 °C (390 °F) ngena injeksyen stim ngambika kerak nya ulih ngerembai sebedau tegap, lalu enggau nya ngaga ruti ti lempung agi sereta bisi angin, lalu ngasuh dekstros ba atas ruti nya lebur, meri empas ti bisi kaca mimit.

Kena bulan April 1944, bisi pekit ke dikumbai Le Grand Prix de la Baguette berengkah di Peranchis kena nentuka sapa ke ngaga baguette ke pemadu manah.[11] Urung 200 iku tukang ruti bepekit ninting taun ba mua panel 14 iku akim nitihka garis lalau ti terit. Sida diakim bepelasarka chara ngaga panggang, gamal, bau, asai, enggau remah. Pemenang nerima €4000 lalu mekal presiden Peranchis enggau ruti ninting hari sida ungkup taun nya nyentukka pemenang baru dipilih.[12]

Pengudah Perang Dunya, tukang ruti Peranchis berengkah ngaga roti baguette ti putih sereta lembut agi ti bebida enggau roti ti chelum agi ti diasilka ketegal chatu maya perang. Doh tu kurang agi ngambi awak dikena diperam sereta ngena mayuh agi utai tambah tang ngembuan asai ti jauh kurang. Sida mega berengkah ngena tepung enggau chuan ke udah digaga dulu. Purata pemakai ruti nurun ari 600 gram/hari ba pun taun 1900-an ngagai 170 gram/hari ba taun 1986.[13]

Ba taun 1993, Parlimen Perancis ngemendarka Le Décret Pain (Dekri Roti). Le Décret Pain madahka ruti ti diberi nama pain maison (ruti digaga ba rumah) mesti "diuli penuh, dibentuk, sereta dipanggang ba endur sida nyual." Dekrit tu mega ngeletakka garis lalau ke terit pasal nama pain traditionnel français (ruti tradisional Peranchis) ke dikemendarka digaga, nagang tepung ke udah digaga dulu dikena ngaga baguette tradisional Peranchis.[14]

Kereban sanding

[edit | edit bunsu]
  1. ↑ "The All-Important History of the Baguette". 11 February 2019.
  2. ↑ Décret n°93-1074 du 13 septembre 1993 pris pour l'application de la loi du 1er août 1905 en ce qui concerne certaines catégories de pains, 13 September 1993, retrieved 13 May 2022
  3. ↑ "Les savoir-faire artisanaux et la culture de la baguette de pain" [Craftsmanship and the culture of the baguette] (in Perancis). French Ministry of Culture. 12 February 2019. Retrieved 7 September 2021.
  4. ↑ "Artisanal knowhow and culture of baguette bread". UNESCO Intangible Cultural Heritage (in Inggeris British). Retrieved 30 November 2022.
  5. ↑ 5.0 5.1 5.2 5.3 5.4 5.5 Chevallier, Jim (2014). About the Baguette: Exploring the Origin of a French National Icon. Createspace Independent Pub. ISBN 978-1-4973-4408-2.
  6. ↑ texte, Seine Auteur du (August 1920). Recueil des actes administratifs de la Préfecture du département de la Seine. Paris: Préfecture du département de la Seine. Archived from the original on 29 March 2018. Retrieved 28 March 2018.
  7. ↑ "Le Pain Frais". La Figaro (in Perancis). Paris. 4 August 1920. Archived from the original on 21 January 2018. Retrieved 20 January 2018.
  8. ↑ "From London to Paris". Supplement to the Courant. 23 March 1867. p. 45.
  9. ↑ Elson, Louis Charles (1898). European Reminiscences, Musical and Otherwise: Being the Recollections of the Vacation Tours of a Musician in Various Countries. Philadelphia: Theo Presser. p. 186.
  10. ↑ "La baguette parisienne". Lepoint.fr. 12 March 2009. Retrieved 17 September 2011.
  11. ↑ "Goûtez et choisissez la meilleure baguette de Paris !". Archived from the original on 30 March 2023. Retrieved 26 November 2020.
  12. ↑ Monaco, Emily (26 August 2019). "The perfect French baguette". www.bbc.com (in Inggeris). Retrieved 25 July 2020.
  13. ↑ "It's crunch-time for the baguette". The Economist. ISSN 0013-0613. Retrieved 30 July 2020.
  14. ↑ Décret n°93-1074 du 13 septembre 1993 pris pour l'application de la loi du 1er août 1905 en ce qui concerne certaines catégories de pains, 13 September 1993, retrieved 25 July 2020

Bacha ke silik agi

[edit | edit bunsu]
  • Child, Julia. From Julia Child's Kitchen. New York: Knopf, 1970.
  • Child, Julia and Simone Beck. Mastering the Art of French Cooking, vol. 2. New York: Knopf, 1970.
  • Rambali, Paul. Boulangerie. New York: Macmillan, 1994, ISBN 0-02-600865-3.
  • Reinhard, Peter. Crust and Crumb. Berkeley, CA: Ten Speed Press, 1998, ISBN 1-58008-802-3

Pautan luar

[edit | edit bunsu]
Diambi ari "https://iba.wikipedia.org/w/index.php?title=Baguette&oldid=19558"