Avicii

Avicii
Avicii
	Avicii maya taun 2014
Ada	Tim Bergling; 8 September 1989; Stockholm, Sweden
Haribulan; pemarai	20 April 2018 (umur 28); Muscat, Oman
Kebuah pemarai	Bunuh diri
Endur dipendam	Gerija Hedvig Eleonora, Stockholm
Nama bukai	Tim Berg; Tom Hangs; Timberman;
Pengawa	DJ; remixer; record producer;
Taun aktif	2006–2018
Apai Indai	Anki Lidén; Klas Bergling;
Bala sebilik	Anton Körberg (half-brother); Birger Bergling (paternal grandfather);
Anugerah	Full list
	Pengawa musik
Genre	EDM; progressive house; electro house;
Label	Avicii Music AB; PRMD; Universal Music AB;
Lambar web	avicii.com
Sain

Tim Bergling^{[lower-alpha 1]} (8 September 1989 – 20 April 2018), dikelala enggau nama panggau iya Avicii, nya DJ, remixer, sereta produser rikut Sweden. Gaya muzik iya nya muzik house, lalu iya nyadi pengaruh ngagai mayuh artis. Sekeda pemansut pasal muzik udah meri kredit ngagai Avicii nyadi siku ari DJ ke mai muzik elektronik ngagai Top 40 radio ba pun taun 2010-an. Iya mega dianggap siku ari artis genre muzik tanda Elektronik (EDM) ke pemadu tebilang sereta mujur sepanjai maya.

Ba umur 16, Avicii berengkah mantaika remix ba forum muzik elektronik maya umur 16 taun, lalu dalam bulan Mei 2007, label Dejfitts Plays nyain kontrak enggau iya. Avicii niki ngagai penuduk ti tebilang dalam taun 2011 enggau single iya "Levels". Album studio debut iya, True (2013),nyampurka muzik elektronik enggau elemen genre bukai; iya nerima timbal positif sechara umum, manggai ba penuduk ke pemadu atas ba 10 penuduk ba lebih 15 buah menua sereta ba penuduk ke pemadu atas ba carta entarabansa. Single pemadu nyulut iya, "Wake Me Up", nyadi lagu pemadu mayuh distrim ba Spotify. Kededua album iya Stories (2015) sereta extended play (EP) Avīci (01) (2017) manggai penuduk lumur satu charta Sverigetopplistan Sweden. Album ketiga sereta kepenudi iya, Tim (2019), dikeluarka pengudah pemati lalu manggai ba lumur satu ba charta Billboard Album Tanda Pemadu Manah.

Avicii bisi penanggul pengerai sepemanjai pengidup iya. Dalam taun 2012, iya udah ditan dalam sepital sepengelama 11 hari di Nengeri New York enggau pankreatitis akut bepun ari kelalu mayuh ngirup arak. Entara taun 2012 enggau 2014, dikena ngubat pemedis ari pankreatitis, Avicii diberi opioid baka OxyContin enggau Vicodin, ke alai iya udah bulih gian. Dalam taun 2014, iya dibedah muai apendiks enggau pundi hempedu, lalu tama ngagai palan pemulih setaun udah nya. Berindik ari isu pengerai tu, Avicii madahka diri deka pinchin ari pengawa raun dalam bulan Mac 2016. Dalam taun 2018, iya mati ketegal munuh diri lebuh maya cuti ba Muscat, Oman, di estet diempu sebilik diraja Oman.

Katalog Avicii mega nyengkaum "Seek Bromance", "Silhouettes", "I Could Be the One" enggau Nicky Romero, "You Make Me", "X You", "Hey Brother", "Addicted to You", "The Days", "The Nights", "SOS" sereta "Heaven". Avicii udah menang Anugerah Muzik Eropah MTV, dua Anugerah Muzik Tanda Antarabansa, siti Anugerah Muzik Amerika sereta siti Anugerah Muzik Billboard. Iya udah dichalun dalam Grammy ungkup pengawa iya dalam lagu "Sunshine" enggau David Guetta dalam taun 2012 sereta lagu "Levels" dalam lagu 2013.

Nota

↑ Sweden pronunciation: [ˈtɪmː ˈbæ̂rjlɪŋ] .

Kereban sanding

↑ Taylor, Alex (2024-06-16). "Avicii's dad on his son's legacy, mental health and survivor's guilt". BBC (in Inggeris British). Retrieved 2026-01-16.
↑ "Tom Hangs on Apple Music". 1 May 2020. Archived from the original on 30 July 2021. Retrieved 1 May 2020.

[3] Sweden pronunciation: [ˈtɪmː ˈbæ̂rjlɪŋ] ^ⓘ.

[1] Taylor, Alex (2024-06-16). "Avicii's dad on his son's legacy, mental health and survivor's guilt". BBC (in Inggeris British). Retrieved 2026-01-16.

[2] "Tom Hangs on Apple Music". 1 May 2020. Archived from the original on 30 July 2021. Retrieved 1 May 2020.

[1]

[2]

[lower-alpha 1]