Artelais
Saint Arthelais | |
|---|---|
| Ada | 544 AD Constantinople (modern-day Istanbul, Turkey) |
| Midang | 560 AD |
| Dipebasa ba | Gerija Katolik |
| Pengerami | 3 Mac |
| Patronage | Benevento; mansa ditaban, penyakit, orang di buangan, orang sakit |
Artelais (Itali: Sant' Artellaide) (544–560) dipebasaka nyadi sante Kristian. Iya siku ari sante ti nyaga Benevento,[1] enggau Barbatus ari Benevento enggau Bartholomew nyadi orang bukai. Hari pengerami iya diintu 3 Mac.
Naratif
[edit | edit bunsu]Siti cherita tuai madahka Arthelais nya peranak asal Konstantinopel, anak indu seiku prokonsul empayar ke benama Lucius enggau bini iya Anthusa. Iya dipadahka diburu Justinian, ti deka ke iya;[2] taja pia, Arthelais udah ngaga sumpah tuchi. Ari peminta iya empu, iya dianjung enggau tiga iku kuli ngagai aya iya Narses di Itali,[3] tang ditabanka bala perumpak sepemanjai jalai. Bala kuli iya bisi bepanggai ba Gerija Saint Eulalia, alai sida besampika indu simpan sida pulai enggau likun, lalu meri ngagai orang ti seranta duit belanja sida.[4]
Bala perumpak nya bisi juluk ati deka nyual orang ke ditangkap sida ketegal tuju ti kamah, tang siku melikat munuh gaoler(orang ngejil) lalu ngelepaska iya. Sitan lalu ngerampas bala perumpak ti bukai. Enda lama udah nya, Arthelais betemu enggau bala kuli iya, lalu seduai iya mansang ngagai Siponto. Ari nya iya lalu mansang ngagai Sanktuari Monte Sant’Angelo ngaga pemeri terima kasih. Aya iya Narses lalu mansang betemu enggau iya lalu mai iya pulai ngagai Benevento.[5] Ditu iya ngentapka diri lalu diau dalam sampi enggau latih pengarap, ngereja mayuh kereja ajih. Ketegal tabin, iya diangkut ngagai gerija San Luca, lalu iya mati lebuh umur iya tujuh belas taun. Relik iya udah nya dikalihka ngagai Katedral metropolitan di Santa Maria de Episkopio.
Penyanding
[edit | edit bunsu]- ↑ "Saint Arthelais of Benevento". CatholicSaints.Info (in Inggeris AS). 2009-03-03. Retrieved 2018-03-20.
- ↑ Walsh, Michael. "Arthellais of Benevento", A New Dictionary of Saints, Liturgical Press, 2007, p. 66ISBN 9780814631867
- ↑ Delaney, John J.. Dictionary of Saints United States, Image/Doubleday, 2005. p. 61 ISBN 9780385515207
- ↑ Dunbar, Agnes Baillie Cunninghame. A Dictionary of Saintly Women, Vol. 1, Bell, 1904, p. 84Templat:PD-notice
- ↑ Holweck, Frederick George. A Biographical Dictionary of the Saints, B. Herder, 1924, p. 109