Pegi ngagai isi

Anthony ari Padua

Ari Wikipedia

Anthony of Padua

Anthony of Padua by Francisco de Zurbarán, 1627–1630
Doctor of the Church
AdaFernando Martins de Bulhões
15 August 1195
Lisbon, Kingdom of Portugal
Midang13 Jun 1231(1231-06-13) (umur 35)
Dipebasa baCatholic Church, Anglican Communion
Dikanon30 May 1232, Spoleto, Italy by Pope Gregory IX
Major shrineBasilica of Saint Anthony of Padua, Church of Saint Anthony of Lisbon
Pengerami13 June
AtributReligious habit of a Friar Minor, lily, book, tonsure, holding the Infant Jesus, mule
PatronageCustody of the Holy Land, miracles, travelers, finding one's spouse, pregnancy, harvests, animals, lost items, lost people, lost souls, poverty, sterility, the sick, the disabled, the oppressed, the hungry, the elderly, faith in the Blessed Sacrament, sailors, fishermen, watermen, swineherds, mail carriers, counter-revolutionaries, indigenous peoples of the Americas, Tigua, Padua, Lisbon, Portugal, Brazil, Albania, Pila, Laguna, Iriga, Camarines Sur, Camaligan, Camarines Sur, Gubat, Sorsogon, Tuburan, Cebu, Barotac Nuevo, Iloilo, Cusco, Peru, Kandy, Sri Lanka,

Anthony ari Padua, OFM, (Portugis: António/Antônio de Pádua; Itali: Antonio di/da Padova; Latin: Antonius Patavinus) tauka Anthony ari Lisbon (Portugis: António/Antônio de Lisboa; Itali: Antonio da/di Lisbona; Latin: Antonius Olisiponensis; ada enggau nama Fernando Martins enggau Bulhões; 15 Ogos 1195 – 13 Jun 1231)[1][2] nya siku paderi Katolik Portugis sereta kaban Ordo Friar Mit.

Anthony ada sereta dibesaika ba ruang bilik ke kaya di Lisbon, Portugal, lalu midang di Padua, Itali. Dikelala orang ke sama jeman enggau iya ketegal pengawa iya ti bekuasa nginjil, penemu iya ti landik pasal bup kudus, sereta pengerindu enggau pengangkun iya ti enda nemu mati ngagai orang ti seranta enggau orang ti sakit, iya siku ari sante ti pemadu jampat dikudus dalam sejarah gerija, lalu dikanon kurang ari setaun pengudah iya mati.

Iya dichiri Paus Pius XII nyadi Lutur Gerija kena 16 Januari 1946.

Pengidup

[edit | edit bunsu]

Taun-taun keterubah

[edit | edit bunsu]
Gerija Saint Anthony, di Lisbon, Portugal, digaga ba atas rumah asal endur sante Portugis nya ada.
Endur ada Sante Anthony, di Lisbon, Portugal, ti bepalan ba kript gerija ti diungkupka ngagai iya.

Anthony ada enggau nama Fernando Martins de Bulhões di Lisbon, Portugal.[3] Seraya penulis abad ke-15 madahka apai indai iya nya Vicente Martins enggau Teresa Pais Taveira, lalu apai iya nya menyadi Pedro Martins de Bulhões, aki ini sida Bulhão tauka Bulhões sebilik, Niccolò Dal-Gal ngumbai pekara tu kurang tentu.[3] Sida sebilik ti kaya sereta bekuasa ngatur iya diajar ba sekula katedral ba endur nya. Lebuh umur iya 15 taun, iya diterima nyadi Canons Regular Perintah Regang Kudus ba Biara Saint Vincent ba tisi Lisbon.[3]

Dalam taun 1212, ketegal ti suah nemuai ngagai diri sebilik enggau bala bakih, iya minta dipindahka ngagai rumah indai eklisia, iya nya Biara Regang Kudus di Coimbra, ke nyadi indu nengeri Portugal maya nya.[4] Dia, Fernando ke agi biak belajar teologi enggau jaku Latin.

Seretai raban Fransiskan

[edit | edit bunsu]
Dalam lukis Alvise Vivarini, Anthony dibida ari orang kudus bukai nengah atribut iya: bup enggau tangkai bungai lily ti bechura putih.

Pengudah iya dichiri nyadi paderi, Fernando dichiri nyadi tuai temuai lebuh umur iya 19 taun, lalu diasuh megai pengawa ngatur temuai ngagai biara. Lebuh iya di Coimbra, sekeda Friar Minor datai lalu ngentapka diri ba sebengkah hermitage mit ba luar Coimbra ti diungkupka ngagai St. Anthony Manah[4] Fernando balat tetarit ati enggau gaya pengidup ti mudah sereta evangelikal bala friar, ti semina ditumbuhka 11 taun sebedau nya. Berita datai madahka lima iku raban Franciskan udah diputung pala di Moroko, keterubah iya ari perintah sida dibunuh. Raja Afonso II ari Portugal nebus bangkai seduai iya ngambika dipulaika lalu dikubur nyadi martir ba Biara Regang Kudus.[4] Diperansang enggau teladan sida, Fernando bulih pemendar ari piak bekuasa gerija pansut ari Canons Regular lalu masuk gerempung baru Franciskan. Lebuh iya ngaku pengidup bala friar, iya nyeretai hermitage mit di Olivais, ngena nama Anthony (ari nama chapel ke bepalan dia, diungkupka ngagai Anthony the Great), ke deka dikelala iya.[5]

Anthony lalu mupuk ke Moroko, dikena ngamatka vokasyen baru iya. Taja pia, iya balat sakit di Moroko lalu belayar pulai ke Portugal enggau pengarap ulih gerai baru. Lebuh pejalai pulai, kapal nya nyimpang ari jalai lalu sangkai ba Sicily.[6]

Ari Sicily, iya bejalai ngagai Tuscany, ke alai iya diasuh gawa ba sebengkah konven ari ordo nya, tang iya ditemu enggau penusah ketegal gamal iya ke sakit. Pengujung iya diasuh gawa ba hermitage menua pesisir Montepaolo [it] di Dovadola (‘gunung Saint Paul ari Dovadola ’), semak Forlì, di Romagna, siti pilih ke digaga pengudah beratika pengerai iya ke enda manah. Dia, iya bisi bepanggai ba sel ke digaga seiku ari bala friar ba gua ke semak, lalu ngena awak besampi sereta belajar kediri.[7]

Pengawa nginjil enggau ngajar

[edit | edit bunsu]
Sante Antony ari Padua megai Jesus ti agi mit ti dikarang Strozzi, c. taun 1625 enggau; bungai lili ti bechura putih ngayanka penuchi.

Dalam taun 1222, ba nengeri Forlì, sekeda bala friar Dominican ke datai nemuai bisi datai maya pengawa ordinasyen, lalu bisi salah penemu pasal sapa ke patut nginjil. Bala Franciskan udah ngarapka siku ari raban Dominikan deka nguan palpit, laban ti tebilang enggau pengawa nginjil sida. Taja pia, orang Dominikan udah datai enggau enda besendia, ngumbai orang Franciskan deka nyadi homilis. Dalam penusah tu, tuai hermitage, ti enda ngumbai sebarang bala friar iya empu ti baruh ati ulih meri homili ke maya nya, lalu ngangauka Anthony, ti disangka iya pemadu layak, lalu minta iya bejaku sebarang utai ti tau diiri Roh Kudus. Anthony mantah, tang dikelaung, lalu jaku ajar iya ti enda beradat nya nempa peragam ti dalam ngagai bala peninga iya. Bala peninga iya ukai semina tetarit ati ketegal nyawa iya ti kaya sereta chara iya ti nangkap, tang mega ketegal tema enggau substansi jaku iya, penemu iya ti dalam pasal bup kudus, sereta pengelandik iya ngenataika pesan iya.

Anthony udah nya dianjung Menyadi Gratian, menteri menua nya, ngagai menua Romagna, ke bepalan ba Bologna. Enda lama udah nya, iya ditemu orang ke numbuhka gerempung nya, iya nya Francis ari Assisi. Francis udah ngembuan ati ti enda arapka endur pelajar teologi dalam pengidup bala menyadi iya, nangika nya tau ngujungka sida ninggalka komitmen sida ngagai pengidup ti seranta enggau gawa ti bendar. Tang ba Anthony, iya tetemuka semengat ti sama enggau iya ti sama penemu enggau iya lalu mega ulih meri ajar ti diguna sebarang kaban biak dalam gerempung ti deka dichiri nyadi paderi. Dalam taun 1224, iya ngarapka pengawa nampung pelajar ungkup sebarang friar iya ngagai pengawa ngintu Anthony.

Pengawa asal besampi minta tulung St.Anthony ngiga utai ke lenyau tauka dichuri tu dipansik ari siti penusah maya iya agi idup ke nyadi di Bologna. Nitihka cherita, Anthony bisi bup masmur ti beguna ba iya, laban bup nya ngundan nota enggau komen iya ngambika bisi dikena iya ngajar bala nembiak iya. Seiku orang baru ti udah milih deka mupuk udah mai psalter enggau iya. Sebedau mesin chelak ditemu, sebarang bup disalin ngena jari, lalu enggau nya, utai ti berega tinggi; siku friar Franciscan kelebih agi, berindik ari sumpah iya ti seranta, tentu nemu utai ti baka nya tusah deka diganti. Lebuh Anthony sedarka bup psalter iya nadai, iya besampi ngambika bup nya ditemu tauka dipulaika, udah nya penchuri nya dipindahka ngambika ukai semina mulaika bup nya ngagai Anthony, tang mega mulaika ngagai perintah. Bup ke dichuri nya dipadahka disimpan ba biara Franciscan di Bologna.

Sesekali, Anthony ngambi pengawa bukai nyadi pengajar ba universiti baka Universiti Montpellier enggau Universiti Toulouse di selatan Perancis, tang pengawa nginjil iya dianggap pemeri iya ti pemadu tinggi. Nitihka penemu pakar sejarah Sophronius Clasen, Anthony nginjil pasal “pemesai pengarap Kristian”. Chara iya nyengkaum jaku sempama enggau penerang simbolik pasal bup kudus. Dalam taun 1226, pengudah ngulu bab besai perintah iya ke diatur ba Arles, Perancis, lalu nginjil ba kandang menua Provence, Anthony pulai ke Itali lalu dipadu nyadi superior Provinsial utara Itali. Iya milih nengeri Padua nyadika palan iya.

Dalam taun 1228, iya nyadi duta ari chapter besai ngagai Paus Gregory IX . Ba kort paus, pengawa nginjil iya dipuji nyadi "kes permata Bup Kudus " lalu iya diasuh ngasilka koleksyen jaku ajar iya, Jaku ajar ungkup Hari Pengerami (Sermones in Festivitates). Gregory IX nerangka Anthony nyadi "Peti Sempekat" (Doktor Arca testamenti) .

Kereja ajih

[edit | edit bunsu]
Santo Anthony Nginjil ngagai Ikan, c. 1630

Cherita Anthony "ngajar ngagai ikan" bepun ari Rimini, endur iya udah nurun nginjil. Lebuh orang ke nyimpang ari pengarap dia enda bebasaka iya, Anthony dipadahka mansang ngagai tebing tasik, alai iya berengkah nginjil ba tisi ai nyentukka mayuh amat ikan dipeda begempuru ba mua iya. Orang mayuh ba mengeri nya lalu indah sida ke nyimpang ari pengarap tadi meda utai ti ngalitka ati tu lalu teperansang mendingka jaku ajar Anthony.[8]

Dalam cherita bukai ti suah ditusui, ti nyadi mega di Rimini, Anthony dichabar siku orang ti nyimpang ari pengrap ngambika ulih ngayanka pengamat penatai Kristus dalam Ekaristi. Laki nya, ti deka ngeleseka Anthony, mai siku keledai ti setengah lapar lalu nunjukka iya pemakai jelu ti baru. Saint Anthony nunjukka ngagai keledai nya monstrans ti ngundan Sakramen ti Diberekat. Keledai nya enda ibuhka pemakai jelu lalu nunduk ba mua Sakramen ti Diberkat.[8] Tempietto Sant’Antonio nyadika tanda endur kereja ajih nya nyadi. Versyen bukai ari kereja ajih tu ngengkahka iya ba Toulouse tauka Bourges.

Siti agi cherita madahka pasal siti maya di Itali lebuh Anthony benung makai enggau orang ke nyimpang ari pengarap. Iya sedar pemakai ke diengkah sida ba mua iya bisi rachun, lalu iya betapi enggau sida. Bala lelaki nya ngaku nguji deka munuh iya, tang udah nya sida enchabar iya makai enti iya amat arapka jaku ti disebut dalam Mark 16:18 pasal bala rasul Kristus: "lalu enti sida ngirup utai ti tau munuh, utai nya enda ngemediska sida". Anthony dipadahka udah merekatka pemakai nya lalu makai iya enggau nadai ngeruga, mayuh ngasuh bala tuan rumah iya alit ati.[8]

Pemidang

[edit | edit bunsu]
Anthony ari Padua enggau Jesus ti agi mit ti dilukis Antonio de Pereda, enggau silik .

Anthony sakit ergotisme dalam taun 1231 lalu mansang ngagai palan pengenduh kampung di Camposampiero enggau dua iku friar bukai ngambika belelak. Dia, iya diau ba bilik ti digaga ke iya ba baruh daun kayu walnut. Anthony midang lebuh dalam pejalai pulai ke Padua kena 13 Jun 1231 ba biara Poor Clare di Arcella (diatu sebagi ari Padua), maya umur iya 35 taun.

Baka ke udah dipinta iya, Anthony ditumbak ba gerija mit Santa Maria Mater Domini—engka digaga ba ujung abad ke-12—semak enggau sebuah biara ke ditumbuhka iya ba taun 1229. Ketegal iya ke tebilang, pengawa ngaga sebuah gerija ke besai, ke diatu Basilika Sante Anthony ari Padua, berengkah urung taun 1232 lalu tembu dalam taun 1301. Gerija ke mit agi dipasukka ngagai struktur nya nyadi Cappella della Madonna Mora tauka Chapel Madonna Gelap. Diatu basilika tu suah disebut enggau nama "Il Santo" (Sante).

Bemacham cherita mega bisi ngelingi pemidang Anthony. Siku bepenemu lebuh iya mati, bala anak mit nyabak ba jalai alun lalu semua luching gerija bemunyi enggau peneka ati sida empu. Nitihka cherita bukai, lebuh iya keterubah iya dikubur, dilah, rahang, enggau tali nyawa iya dipilih nyadika relik kena dipebasaka lalu dipandangka ba relik ti besai. Lebuh bangkai iya digali 30 taun udah iya mati, bangkai iya ditemu udah bebali nyadi debu, tang dilah iya diperatika udah bekilat sereta dipeda baka ke agi nyadi sebagi ari bangkai ti idup; siti agi perati ti benung digaga madahka tu tanda pemeri iya nginjil.[9] Kena 1 Januari 1981, Paus John Paul II ngemendarka tim saintis mansik bangkai Anthony lalu pendam nya dibuka lima hari udah nya.

Penyanding

[edit | edit bunsu]
  1. Purcell 1960.
  2. Foley & McCloskey 2013.
  3. 3.0 3.1 3.2 Dal-Gal 1907.
  4. 4.0 4.1 4.2 Monti 2008.
  5. Silva 2011.
  6. "Anthony of Padua: The Italian Years – June 2007 Issue of St. Anthony Messenger Magazine Online". 30 June 2007. Archived from the original on 30 June 2007.
  7. Foley, Leonard. "Who Is St. Anthony?". American Catholic. Archived from the original on 17 October 2000. Retrieved 27 June 2011.
  8. 8.0 8.1 8.2 Arnald 2010.
  9. "When Anthony spoke again". Messenger of Saint Anthony. Archived from the original on 2 April 2015. Retrieved 21 March 2015.