Pegi ngagai isi

Analisis belumur

Ari Wikipedia
Tablet tanah liat Babilonia YBC 7289 (c. 1800–1600 BCE) enggau anotasyen. Penyampau akar kuadrat 2 iya nya empat angka seksagesimal, iya nya kira-kira enam angka desimal 1 + 24/60 + 51/602 + 10/603 = 1.41421296...[1]

Analisi belumur iya nya pansik algoritma ti ngena kira-kira belumur (bebida enggau manipulasyen simbolik) ungkup penanggul analisis matematik (baka ti dibida ari matematik diskrit). Iya nya pansik chara numerik ti nguji ngiga chara mutarka penanggul ti dikira ari ti ngiga chara ti betul. Analisis belumur tetemuka aplikasyen dalam semua bidang injinir enggau sains fizikal, lalu ba abad ke-21 mega sains pengidup enggau sosial baka ekonomi, perubat, dagang nyentukka seni. Penumbuh kuasa ngira ke diatu udah ngasuh ngena analisis numerik ke kompleks agi, nyendiaka model matematik ke silik sereta amat dalam sains enggau injinir. Chunto analisis belumur nyengkaum: penyama difrensial biasa baka ke ditemu dalam mekanikal langit (merambu kebut planet, bintang enggau galaksi), algebra linear belumur dalam analisis data,[2][3][4] enggau penyama difrensial stokastik enggau rantai Markov dikena simulasyen sel idup dalam perubat enggau biologi.

Sebedau bisi komputer moden, chara belumur suah bepanggai ba formula interpolasyen jari, ngena data ari jadual ti besai ti dichelak. Kenyau ari tengan abad ke-20, komputer ngira fungsyen ti diguna nganti nya, tang mayuh formula ti sama terus dikena dalam algoritma perisian.[5]

Sukut pemandang belumur tu datai ari karang matematik ti pemadu tumu. Siti papan ari Koleksyen Babilon Yale (YBC 7289), meri anggar lumur seksagesimal akar kuadrat 2, pemanjai diagonal dalam unit persegi.

Analisis numerik neruska tradisyen ti lama tu: ari ti meri saut simbolik ti betul ti disalin ngagai digit lalu dikena semina ba sukat dunya nyata, chara mutarka anggar dalam sekat penyalah ti ditetapka dikena.

Malin

[edit | edit bunsu]
  1. "Photograph, illustration, and description of the root(2) tablet from the Yale Babylonian Collection". Archived from the original on 13 August 2012. Retrieved 2 October 2006.
  2. Demmel, J.W. (1997). Applied numerical linear algebra. SIAM. doi:10.1137/1.9781611971446. ISBN 978-1-61197-144-6.
  3. Ciarlet, P.G.; Miara, B.; Thomas, J.M. (1989). Introduction to numerical linear algebra and optimization. Cambridge University Press. ISBN 9780521327886. OCLC 877155729.
  4. Trefethen, Lloyd; Bau III, David (1997). [[[:Templat:GBurl]] Numerical Linear Algebra]. SIAM. ISBN 978-0-89871-361-9. {{cite book}}: Check |url= value (help)
  5. Brezinski, C.; Wuytack, L. (2012). [[[:Templat:GBurl]] Numerical analysis: Historical developments in the 20th century]. Elsevier. ISBN 978-0-444-59858-5. {{cite book}}: Check |url= value (help)