Ai tulin
Ai tulin nya ai ti udah ditapis tauka diproses ngena chara mekanik dikena muai utai enda tulin lalu ngasuh iya engkeman dikena. Ai suling iya nya tukuh ai tulin ti pemadu suah tang ai suah agi ditulin ngena proses bukai nyengkaum deionisasyen kapasitif, osmosis tunsang, penapis karbon, mikro-penapis, ultra-penapis, oksidasyen ultraviolet, tauka elektrodeionisasyen. Gempung ari sekeda proses tu udah berengkah dikena ngasilka ai tulin amat ari penulin ti tinggi nyentukka terusi pengamah iya disukat dalam bagi per bilion (ppb) tauka bagi per trilion (ppt).
Ai tulin ngembuan mayuh guna, mayuh agi dalam pengawa ngasilka ubat, dalam laboratori enggau industri sains enggau injinir, lalu diasilka dalam mayuh macham penulin. Ai tu mega dikena dalam industri ai irup komersial nyadi utai ramu keterubah dalam sebarang formula pemutul chap dagang ti diberi, ngambika ulih ngetanka konsistensi produk. Iya ulih diasilka ba palan nya ngambika ulih dikena tekala nya tauka dibeli dalam kontena.