Adolf Hitler

Adolf Hitler
Adolf Hitler
	Hitler in 1938
Führer of Germany
	Megai pengawa; 2 August 1934 – 30 April 1945
Didulu	Paul von Hindenburg (as President)
Diganti	Karl Dönitz (as President)
Chancellor of Germany
	Megai pengawa; 30 January 1933 – 30 April 1945
Presiden	Paul von Hindenburg (1933–1934)
Vice Chancellor	Franz von Papen (1933–1934)
Didulu	Kurt von Schleicher
Diganti	Joseph Goebbels
Personal details
Ada	20 April 1889; Braunau am Inn, Austria-Hungary
Midang	30 April 1945 (umur 56); Berlin, Germany
Peranak	Austria (until 1925); Stateless (1925–1932); Germany (from 1932);
Parti politik	Nazi Party (from 1920)
Other political; affiliations	German Workers' Party (1919–1920)
Kaling	Eva Braun (j. 1945; m. 1945)
Apai Indai	Alois Hitler; Klara Pölzl;
Kabinet	Hitler cabinet
Sain
Military service
Allegiance	German Empire; Weimar Republic; Nazi Germany;
Branch/service	Imperial German Army Bavarian Army; ; Reichswehr;
Years of service	1914–1920
Rank	Gefreiter
Commands	German Army (from 1941); Army Group A (1942);
Battles/wars	World War I Western Front First Battle of Ypres; Battle of the Somme Templat:WIA; Battle of Arras; Battle of Passchendaele; ; ; World War II;

Adolf Hitler (20 April 1889 – 30 April 1945) iya nya siku orang politik Jereman ke ada di Austria ke nyadi diktator Jereman maya jeman Nazi ari taun 1933 nyentukka iya munuh diri dalam taun 1945. Iya angkat megai kuasa nyadi ketuai Parti Nazi, nyadi chanselor dalam taun 1933 lalu udah nya ngambi gelar Führer und Reichskanzler dalam taun 1934. Pengambi menua Poland ti betuaika atur iya kena 1 September 1939 nyadi tanda Perang Dunya Kedua berengkah. Sepemanjai iya nyadi ketuai ba konflik ke nyadi udah nya, iya bisi kaul rat enggau pengawa ngiring operasyen soldadu Jereman sereta pengawa Holocaust —pemunuh urung enam juta iku orang Judah enggau bejuta iku mansa bukai.

Hitler ada di Braunau am Inn di Austria-Hungari lalu pindah ke Jereman dalam taun 1913. Iya diiyas maya iya gawa dalam Soldadu Jereman dalam Perang Dunya Keterubah, nerima Regang Besi. Ba taun 1919, iya nyereta Parti Pengereja Pengawa Jereman (DAP)—ke nyadi pemungkal Parti Nazi—lalu ba taun 1921, iya dipadu nyadi tuai Parti Nazi. Ba taun 1923, iya nguji ngerampas kuasa perintah ba pengawa rampas kuasa ke enda mujur di Munich lalu diukum jil lima taun, lalu dijil lebih mimit ari setaun. Lebuh ke dia, iya netapka volium keterubah autobiografi enggau manifesto politik iya Mein Kampf (ke mai reti 'Pemerinsa Aku'). Pengudah iya dilepaska tumu dalam taun 1924, iya bulih sukung ari orang mayuh enggau nyerang Sempekat Versailles sereta ngelakuka pan-Jeremanisme, antisemitisme, enggau anti-komunisme enggau jaku ti bekarisma sereta propaganda Nazi. Iya suah ngutuk komunisme nyadi sebagi ari konspirasi entarabansa orang Judah. Datai ba bulan November 1932, Parti Nazi megai penuduk ke pemadu mayuh ba Reichstag, tang ukai majoriti. Ex-chaselor Franz von Papen enggau bala ketuai konservatif bukai ngasuh Presiden Paul von Hindenburg nyiri Hitler nyadi canselor kena 30 Januari 1933. Enda lama udah nya, Reichstag ngemendarka Akta Pemendar 1933, ti ngepunka proses ngubah Republik Weimar ti bepalan ba Jereman nyadi Jereman Nazi, menua diktator siti parti ke bepanggai ba ideologi totalitarian, autokratik, enggau fasis Nazisme.

Lebuh Hindenburg mati kena 2 Ogos 1934, Hitler nyadi tuai menua enggau perintah serentak, enggau kuasa tetap. Ba menua tu, Hitler bejalaika mayuh polisi rasis lalu nguji deka muru tauka munuh orang Judah Jereman. Enam taun keterubah iya megai kuasa ngujungka ekonomi jampat manah baru ari Pemerinsa Besai, pengawa nginsil tagang ke diberi ngagai Jereman pengudah Perang Dunya Keterubah, enggau pengawa ngambi kandang menua ke diuan bejuta iku etnik Jereman, ke keterubah iya meri iya sukung ari rayat ke signifikan. Siti ari juluk ati Hitler iya nya Lebensraum (ke mai reti 'Ruang Tamu') ungkup rayat Jereman di Eropah Timur, lalu polisi luar iya ti agresif sereta ekspansionis dianggap nyadika pun Perang Dunya Kedua di Eropah. Iya ngasuh pengawa ngaga senyata baru enggau skala ti besai lalu, kena 1 September 1939, nyerang Poland, ngujungka Britain enggau Peranchis madahka perang ngelaban Jereman. Kena bulan Jun 1941, Hitler ngasuh orang nyerang Serakup Soviet lalu ba bulan Disember, Jereman madahka diri deka beperang enggau Amerika Serikat. Ba ujung taun 1941, soldadu Jereman enggau kuasa Paksi Eropah nguasa sebagi besai Eropah enggau Afrika Utara. Penguntung tu berinsur diputarka pengudah taun 1941, lalu ba taun 1945 soldadu Serakup ngalahka sedadu Jereman. Kena 29 April 1945, iya jadi enggau kaling lama iya, Eva Braun, ba Führerbunker ba menua Berlin. Sepasang laki bini nya munuh diri ba hari siti dikena nyeliahka diri ari ditangkap Soldadu Mirah Soviet.