Ad hominem

Pemain bol sipak ke nyerang nagit bol, ukai penyaga gol.

Ad hominem (Latin ungkup 'ngagai orang'), penyingkat ari argumentum ad hominem, nunjukka beberapa bansa penemu ke alai orang ke bejaku nyerang watak, motif, tauka sekeda atribut bukai orang ke ngaga penemu ari ke nyerang batang pekara penemu nya empu. Tu nyeliahka jurai ti tulin nengah chara nempa pengawa ngelimpangka diri ti suah ngena atribut ti enda relevan bendar, tang suah agi bemuatan tinggi ari ulah tauka latar belakang pangan. Tukuh ti pemadu suah nyadi ari penyalah tu iya nya "A" ngaga dawa "fakta", ke alai "B" netapka "A" ngembuan ulah diri, kualiti tauka atribut fizikal ti ngemedis lalu enggau nya pansut ari topik, lalu ketegal nya "B" nyimpulka "A" ngembuan "fakta" sida salah – enggau nadai kala mutarka poin jurai. Guna ke bukai leka jaku ad hominem nya tradisional agi, ngenang pasal argumen ti diungkup nitihka audiens ti terit, lalu tau ditapi dalam guna filosofi ti spesyel. Tu suah iya nunjukka strategi dialektik ngena pengarap enggau penemu sasaran nya empu ngelaban sida, seraya enda setuju enggau pengamat pengarap enggau penemu nya. Laya Ad hominem keterubah kali dipansik ba Gerika Kelia; John Locke ngidupka baru pansik laya ad hominem dalam kurun ke-17. Siti penemu silap ti suah nyadi iya nya, serang ad hominem sebaka enggau jaku pejah. Tu enda bendar, taja sekeda laya ad hominem nya dikumbai pejah ngagai sapa ke ninga nya.