Abdul Rahman Ya'kub
Abdul Rahman Ya'kub | |
|---|---|
| عبدالرحمن يعقوب | |
 | |
| Megai pengawa 2 April 1981 – 2 April 1985 | |
| Chief Minister | Abdul Taib Mahmud |
| Didulu | Abang Muhammad Salahuddin |
| Diganti | Ahmad Zaidi Adruce |
| Megai pengawa 7 July 1970 – 26 March 1981 | |
| Gabenor | Tuanku Bujang Tuanku Othman Abang Muhammad Salahuddin |
| Sapit | Stephen Yong (1970–1974)[1][2] Simon Dembab Maja (1970-1972) Sim Kheng Hung (1974–1991)[1][2] Dunstan Endawie Enchana (1974–1979)[1][2] Alfred Jabu Numpang (1976-2016)[3] Daniel Tajem (1979–1986)[2] |
| Didulu | Tawi Sli |
| Diganti | Abdul Taib Mahmud |
| Minister of Education | |
| Megai pengawa 1969–1970 | |
| Raja | Ismail Nasiruddin |
| Menteri Besai | Tunku Abdul Rahman |
| Didulu | Khir Johari |
| Diganti | Hussein Onn |
| Megai pengawa 1977 – 26 March 1981 | |
| Didulu | Abdul Taib Mahmud |
| Diganti | Abdul Taib Mahmud |
| Penerang diri | |
| Ada | Abdul Rahman bin Ya'kub 3 Januari 1928 Kampung Jepak, Bintulu, Raj of Sarawak |
| Midang | 9 Januari 2015 (umur 87) Kuching, Sarawak, Malaysia |
| Pendam | Samariang Muslim Cemetery, Kuching, Sarawak |
| Peranak | Malaysian |
| Parti politik | Barisan Ra'ayat Jati Sarawak (1961–1968) United Malays National Organisation (1965–unknown) Parti Bumiputera Sarawak (1968–1973) Parti Pesaka Bumiputera Bersatu (1973–1981) Persatuan Rakyat Malaysia Sarawak (1987–1991) |
| Kaling | Toh Puan Normah Abdullah @ Rosaline Soon Siew Joon (Deceased) Toh Puan Hayati Ahmat |
| Palan pendiau | Sri Bahagia, Petra Jaya, Kuching |
| Alma mater | University of Southampton, United Kingdom |
| Gawa | Politician, Statesmen |
Abdul Rahman bin Ya'kub (Jawi: عبدالرحمن بن يعقوب; 3 Januari 1928 – 9 Januari 2015)[4] nya siku kaban politik Malaysia ti bepeturun Melanau ari Mukah. Iya Kepala Menteri Sarawak ketiga sereta Yang di-Pertua Negeri Sarawak keempat (Gabena Sarawak). Iya mega aya Pehin Sri Abdul Taib Mahmud, ketegal indai Taib, Hajah Hamidah Ya'akub (1916–2006) nya menyadi tuai iya.
Sebilik
[edit | edit bunsu]Bini keterubah Abdul Rahman, Toh Puan Normah parai dalam taun 1984. Anak indu Abdul Rahman, Khadijah, udah nya jadi enggau anak lelaki Tun Abdul Razak, Datuk Mohd Nizam.[5] Datuk Norah Abdul Rahman, ke mega anak indu iya, kala nyadi Kaban Parlimen Malaysia ungkup sitak Tanjung Manis, ari taun 2008 ngagai 2018. Iya udah nya udah nya jadi enggau Toh Puan Siti Maemunah, lalu udah nya jadi enggau Toh Puan Hayati Ahmat.
Hobi enggau minat
[edit | edit bunsu]Abdul Rahman bin Ya'kub amat regas dalam lumba enggau main maya iya agi besekula, kelebih agi main bol (bol sipak). Ba taun-taun ke dudi iya mega rindu bemain golf. Abdul Rahman siku orang ti amat bepengarap sereta rindu macha bup pengarap pasal Islam. Indah iya bisi bejalaika kelas pengarap bebas ungkup mensia mayuh pengudah ninggalka politik ti chakah dalam taun 1986.[5]
Pengidup tumu enggau pengawa
[edit | edit bunsu]Abdul Rahman bin Ya'kub ada di Kampung Jepak, Bintulu, Sarawak kena 3 Januari 1928 lalu apai iya orang berikan ke benama Tuan Wan Ya'kub bin Wan Yusuf, indai iya benama Siti Hajar binti Haji Mohd Tahir. Sida Rahman sebilik angkat ari Bintulu lalu nuju ke Miri, ngarapka bulih akses ungkup pelajar ke menyana agi.[2] Rahman keterubah iya besekula ba sekula Melayu lalu udah nya besekula ba Sekolah Anchi di Miri. Apai iya ti deka ke Abdul Rahman bin Ya’kub diberi pelajar Islam, nguji nganjung iya ngagai Sekula Arab Aljunied dalam taun 1939, pemutus ti dibantah indai iya ketegal Perang Dunya Kedua ti nyadi. Iya lalu pindah ngagai St. Joseph Miri, tang pelajar iya diputuska ketegal serang Jepun.[6]
Ketegal suntuk belanja, Rahman patut badu besekula dalam taun 1947 lalu gawa nyadi oil-tester ba Kompeni Sarawak Shell di Lutong, bulih gaji RM 2 ninting hari. Enda puas ati enggau penatai pemisi iya, Abdul Rahman lalu mansang ngagai Sepital Besai Sarawak, laban berundingka diri deka ngemataka pengereja pengawa bukai. Taja pia, pengujung iya nyapu lantai lalu nulung pesakit nganti nya. Iya pansut ari sepital pengudah gawa semina sehari aja. Abdul Rahman udah nya bulih pengawa nyadi Pemesai Asal Pelajar. Iya dianjung ngagai Madrasah Melayu Kuching nyadi nembiak pom 3. Dalam taun 1948, iya dianjung ke Miri nyadi Pemesai Asal Percubaan enggau Majistret Kelas Empat. Iya diau di Miri nyentuk ngagai taun 1952, tebal agi ngereja pengawa kot. Dalam taun 1952, Rahman niki pangkat nyadi majistret kelas satu.[7] Rahman pas enggau Sijil Gred Dua ba peresa Senior Cambridge ba taun ke nangkanka nya.[2]
Rahman beumur 26 taun lebuh iya diterima masuk ngagai Universiti Southampton belajarka undang-undang dalam taun 1954. Lima taun udah nya, iya nembuka pelajar ari universiti nya nyadi luyar ke udah dilatih lalu dipadu nyadi Pemesai Undang-undang Kadet.[2][8] Iya gawa nyadi Sapit Pendawa Raya ba Jabatan Undang-Undang Sarawak ari taun 1959 ngagai 1963. Iya orang Bumiputera ari Sarawak keterubah ti nembuka pelajar nyadi luyar dalam taun 1958 ari Lincoln’s Inn.[5]
Pengawa politik tumu
[edit | edit bunsu]Rahman ngemeranka pengawa numbuhka Parti Negara Sarawak (PANAS) enggau Barisan Ra’ayat Jati Sarawak (BARJASA) nengah chara mantu pengawa ngaga konstitusyen kededua parti nya. Taja pia, Rahman mutuska deka nyereta BARJASA laban iya mantah orang kaya Melayu dalam PANAS. Rahman kala bediri ba pengawa bepilih kunsil kandang menua Sarawak ba taun 1963 tang alah begulai enggau kaban parti iya baka Ustaz Abdul Kadir Hassan enggau Suut Haji Tahir. Perintah besai Malaysia nganjung nama Abdul Rahman nyadi kepala menteri keterubah Sarawak. Taja pia, pengawa ngantung nama iya ditulak Perikatan Sarawak ke dikuasa parti Parti Bansa Sarawak (SNAP) maya nya.[2]
Kerebans sanding
[edit | edit bunsu]- ↑ 1.0 1.1 1.2 Hong Min, Lim (1982). 18 years in Malaysia (Sarawak&Sabah) 1963-1981. Kuching, Sarawak: Malaysia Timor Publications. pp. 16–20. Retrieved 4 October 2020.
- ↑ 2.0 2.1 2.2 2.3 2.4 2.5 2.6 2.7 Faisal, S Hazis (2012). Domination and Contestation: Muslim Bumiputera Politics in Sarawak. Institute of Southeast Asian Studies. pp. 78–97, 101–108. ISBN 9789814311588.
Through Taib, the central state government persuaded Rahman to hand over the rights of Sarawak's continental shelf to the central government,...(page 92)
- ↑ Tawie, Sulok (21 March 2016). "After 43 years, Sarawak deputy CM Alfred Jabu to quit politics". The Malay Mail. Archived from the original on 6 April 2016. Retrieved 26 April 2016.
- ↑ Tun Datuk Patinggi Haji Abdul Rahman Ya'akub Archived 28 Me 2019 at the Wayback Machine. arkib.gov.my
- ↑ 5.0 5.1 5.2 Truly memorable 80th birthday The Star
- ↑ "Tun Datuk Patinggi Haji Abdul Rahman bin Ya'kub (Malay language)". National Archives of Malaysia. 16 October 2008. Archived from the original on 9 April 2012. Retrieved 31 August 2012.
- ↑ BAB 3 PROFIL EKSKLUSIF ABDUL RAHMAN YA'KUB (Chapter 3: Exclusive profile of Abdul Rahman Ya'kub) (PDF). University of Malaya students repository. 2015. Archived from the original (PDF) on 29 June 2018. Retrieved 29 June 2018.
- ↑ Jackson, Caroline (2 January 2008). "'Blood Is Thicker Than Water', Says Tun Yakub of Ties With Taib". Bernama. Retrieved 31 August 2012.